Rannsókn sýnir: rafbílar kosta meira í þjónustu en hefðbundnir bílar

Rannsókn sýnir: rafbílar kosta meira í þjónustu en hefðbundnir bílar

• Vefsíðan We Predict í Bandaríkjunum skoðaði þjónustu á um 19 milljónum ökutækja á milli áranna 2016 og 2021

Mörg okkar langar í rafbíl, mörgum finnst þeir of dýrir – enda kosta þeir aðeins meira en bílar með hefðbundnum brunavélum. Við vitum að það er hægt að spara sér útgjöld með því að nota heimafengið og náttúruvænt rafmagn í stað innfluttra orkugjafa. En það er ekki bara mismunurinn á milli rafmagns og bensíns eða dísilolíu sem þarf að skoða heldur líka hvað það kostar að eiga rafbíl?

Kostar meira að þjónusta í dag en bilið minnkar

Það kostar meira að þjónusta rafknúin ökutæki en bensínknúin hliðstæð ökutæki, en bilið minnkar með tímanum, samkvæmt nýjum gögnum frá greiningarfyrirtækinu og vefsíðunni We Predict.

Fyrirtækið, sendi frá sér gögn fyrr á þessu ári þar sem sagt var að rafbílar væru 2,3 sinnum dýrari í þjónustu en bílar með hefðbundnar vélar eftir þriggja mánaða eignarhald, sagði á miðvikudag að þetta sé að verða sífellt betra: Eftir eins árs notkun eru rafknúnir bílar aðeins 1,6 sinnum dýrari í þjónustu.

Skoðuðu gögn frá 19 milljón bílum

We Predict skoðaði gögn frá um 19 milljón ökutækja á milli áranna 2016 og 2021.

Helstu þættir í því að lækka kostnaðinn á þessu níu mánaða tímabili var 77 prósent lækkun á viðhaldskostnaði auk lítilsháttar lækkunar á viðgerðarkostnaði. Gögnin sýndu samt að þjónustutæknimenn eyða tvöfalt lengri tíma í að greina vandamál í rafbíl á móti þeim sem eru með bensínvél. Þeir eyða 1,5 sinnum lengri tíma í að laga bílana og meðalvinnuhlutfall þeirra var 1,3 sinnum hærra.

Ný vandamál í rafbílum

Rene Stephens, atjórnandi hjá We Predict, sagði að málið stafi að hluta til af því að vandamál í rafbílum séu enn ný og ókunnug mörgum tæknimönnum.

„Þetta er iðnaður sem er að fóta sig af stað“, sagði hún í blaðamannafundi. „Þetta er upphafsþátturinn sem við sjáum“.

Meirihluti viðgerðarinnar snerist um sérstaka íhluti rafkerfisins, svo sem raflögn eða vandamál með hleðslu.

We Predict komist að því að rafbílar voru með meiri vandamál hjóla, sem gagnagreiningarfyrirtækið rak til meiri slits við að bera fyrirferðarmiklar rafhlöður og í heild þyngri ökutæki.

Ford Mach-E stendur sig best í Bandaríkjunum

Meðal nýlegra áberandi rafbíla á markaði fann We Predict að Mustang Mach-E frá Ford Motor Co. skilaði bestum árangri.

Eftir þriggja mánaða eignarhald var þjónustukostnaður Mach-E 93 dollarar á bíl, mun lægri en næst keppinautur, Audi E-tron, 366 dollarar á bíl. Porsche Taycan fór í á 667 dollara í þjónustu á bíl en Jaguar I-Pace var með 834 dollara á hvern bíl.

„Það virtist eins og þeir hafi neglt grunnatriði rafbíla“, sagði Stephens um Ford. „Það lofar góðu fyrir hvernig framtíð þeirra mun líta út.”

We Predict er með áætlanir að koma fram með sambærilega skýrslu þar sem horft er til kostnaðar við þjónustu við rafbíla eftir þriggja ára eignarhald.

(frétt á Automotive News Europe – byggt á frétt Michael Martinez á vef We Predict)