Rafmagnað andrúmsloft í Smáralind
Um nýliðna helgi, 28. og 29. september stóð Rafbílasambad Íslands og Smáralind fyrir kynningu á rafbílaframboði hérlendis. Sjá mátti hreina rafbíla frá Bílabúð Benna, BL, Heklu og Öskju. Við frá Bílablogg.is áttum leið hjá og smelltum við nokkrum myndum í leiðinni.
Allt það nýjasta í flotanum
Bílarnir sem bar á góma voru meðal annar VW E-Golf, Hyundai Kona og Opel Ampera. Það hefur væntanlega komið fólki á óvart mitt á milli þess að vera að versla gallabuxur og hundamat að flottur floti rafbíla hefur staðið á gólfi verslunarmiðstöðvarinnar.
Mikill áhugi
Eins og sjá má á myndunum var áhugi gesta og gangandi nokkur á bílnum. Ágætis stemming var á meðal allra og greinilegt að áhugi Íslendiga er nokkuð rafmagnaður þegar kemur að bifreiðum í verslunarmiðstöðum.
Við hjá Bílablogg.is fögnum svona uppákomum og hlökkum til að sjá fleiri svona viðburði í framtíðinni. Og þið lesendur góðir getið bókað að við verðum þar með myndavélarnar á lofti.
Texti: Óskar bílakall
Myndir: Pétur R. Pétursson
