Rafdrifinn Ford Explorer sportjeppi
Nýi 2023 Ford Explorer rafmagnsjeppinn kemur til að keppa við Volkswagen ID.4
Ford kynnir annan rafjeppa sinn með smá hjálp frá Volkswagen, en hann er meira en einfaldlega „afrita og líma“
Fyrir okkur suma sem voru aðdáendur Ford Explorer jeppanna getum við nú tekið gleði okkar því Ford er að „endurvekja“ Explorer nafnið á nýjum millistærðar rafdrifnum sportjeppa.
Nýi sportjeppinn fylgir í fótspor Mustang Mach-E, og nú hefur þessi nýi 2023 Explorer verið sýndur með vali á tveimur útfærslum, tveimur rafhlöðum og allt að 335 hestöfl frá tvímótor uppsetningu sem færir okkur fjórhjóladrif.
Á sama MEB grunni og Volkswagen ID.4
Byggður á sama MEB grunni og Volkswagen ID.4, Ford Explorer er afrakstur áframhaldandi samstarfs milli þessara tveggja vörumerkja.
Fyrirtækin hafa þegar miðlað sérfræðiþekkingu sinni á sendibílum varðandi sendibíla og pallbíla og nú beinist athyglin að rafbílum fyrir farþega.
Fyrir utan það að Volkswagen hefur haft eitthvað forskot: ID.3 og ID.4 hafa verið til sölu í nokkur ár núna, og sá fyrrnefndi fékk meira að segja „uppfærslu“ fyrr í þessum mánuði.
En góðir hlutir koma til þeirra sem bíða; Ford hefur hlustað óbeint á ítarlegar athugasemdir frá viðskiptavinum, en markmið Ford er að laga suma galla VW.
Að framan tekur Explorer á sig þéttari, meira áberandi afstöðu en ID-bíllinn með sínu vinalega andliti.
LED framljós Fordsins eru tengd með klæðningu sem aðalhönnuður Jordan Demkiw kallar „strönd-til-strandar“ spjaldið í bílnum.
Það er silfurlituð vörn að neðan og yfirbyggingarklæðning sem nær yfir endilangan bíl, sem Ford segir að hafi gert þeim kleift að endurtúlka hið „ákveðna og harðgerða aðdráttarafl hins þekkta Explorer jeppa Ford – sérstaklega fyrir viðskiptavini í Evrópu.
Demkiw og teymi hans hafa tekið upp fljótandi þakhönnun með svörtum A-, B- og C-bitum, með hálfgagnsærri grafík á þeirri síðustu sem líkir eftir hönnun bensínknúins Explorer í Bandaríkjunum án þess að hafa áhrif á skyggni aftur á bak, samkvæmt Ford.
Kaupendur munu fá val á felgum á bilinu 19-21 tommur, auk úrvals lita að utan.
Afturendinn er með svipaða ferningalaga lögun að framan, einnig með LED ljósum tengdum með svartri klæðningu.
Á bak við afturhlerann á Explorer er 450 lítra farangursrými – stærra en Mach-E, en um 100 lítrum minna en á ID.4, líklega vegna styttra yfirhangs að aftan.
Það er færanlegt gólf í farangursgeymslunni og þegar aftursætin eru lögð niður kemur í ljós 1.400 lítra geymslupláss.
Að innan er þar sem Ford tekur mestu skrefin samanborið við VW systurbíl sinn.
Explorerinn er með stillanlegan 15 tommu uppréttan skjá, sem er einstakur í því að keyra SYNCMove hugbúnað Ford sem gerir kleift að kortleggja allan skjáinn, auk aðgangs að öllum venjulegum snjallsímatengimöguleikum.
Staðsetning þess er stillanleg í 20 þrepum, breytir horninu á skjánum um allt að 30 gráður og býður upp á upprétta sýn fyrir flókin verkefni eins og kortlagning beygju fyrir beygju, í afslappaðri notkun sem hentar betur fyrir aksturinn á hraðbrautinni.
Falið á bak við skjáinn er það sem Ford kallar „My Private Locker“ (eða „einkageymslan“) – geymslupláss fyrir síma, veski og aðra hluti.
Það er annað svæði fyrir neðan miðjustokkinn fyrir ýmsa smáhluti og 17 lítra „loka ð hólf“ á milli framsætanna sem er nógu stórt fyrir 15 tommu fartölvu eða þrjár vatnsflöskur.
Það er hljóðstika ofan á mælaborðinu sem staðalbúnaður, með valfrjálsri 10 lita umhverfislýsingu sem bregst við hinum ýmsu akstursstillingum.
Það er líka fimm tommu stafræn mælaborðsskjár sem sýnir hraða, drægi og leiðbeiningar varðandi leiðsögn.
Þó að Auto Express hafi aðeins fengið að sitja í einstakri frumgerð, leggur Ford mikla áherslu á gæði og fullyrðir að „hver snertipunktur sé með mjúkum snertiefnum“ – þar með talið toppar hurðanna, sem hafa „samkvæmt 3 mm eftirgjöf“ fyrir „mjúkan tilfinningu“.
Þú verður að leita lengi og vel til að finna marga hluti í innréttingunni frá Volkswagen í nýja Explorer, en það eru nokkur.
Nefnilega snúningshnappur fyrri val á gírum og rúðurofar.
Sá síðarnefndi notar enn tvo hnappa í stað fjögurra, sem þarf að ýta á til að stjórna afturrúðunum að framan.
Explorer-línan mun byrja með 168 hestafla afturhjóladrifnu gerðinni, sem notar 55kWh (52kWh nothæf) rafhlöðu fyrir spáða drægni allt að 350 km.
Með því að fara upp í gegnum úrvalið býður Ford einnig upp á öflugri 282 hestafla gerð með einum mótor sem notar stærri 82kWh (77kWh nothæf) rafhlöðu.
Ford segir að þessi útgáfa muni taka allt að 540 km, á meðan hún eykur einnig hámarkshleðsluhraða úr 130kW í 170kW, sem samsvarar hraðskreiðustu VW tækninni.
Best búni Explorer-bíllinn fær sömu rafhlöðu og hleðslugetu og meðalbíllinn, en með tvöföldum mótorum sem skila samanlögðum 335 hö – 40 hö meira en hinn sportlegi VW ID.4 GTX.
Flaggskipið frá Ford mun keyra 490 km á hleðslu og er metinn til að draga allt að 1.400 kg.
Allar gerðir Explorers geta hlaðið frá 10-80 prósentum á um 25 mínútum.
Tvær útfærslur verða fáanlegar frá upphafinu: Explorer og Explorer Premium. Nákvæmar upplýsingar hafa ekki verið gefnar upp en Ford hefur staðfest að allir bílar verði með hituð nuddsæti og upphitað stýri, tveggja svæða loftslagsstýringu og lyklalaust aðgengi, auk hljóðstikunnar á mælaborðinu og þessum 15 tommu skjár með Apple CarPlay og Android Auto.
Premium-gerðin fær Sensico gervi leður og umhverfislýsingu, en valkostir eru sjálfvirkur afturhleri og víðáttumikið glerþak í fullri lengd.
Verð verður ákveðið þegar nær dregur kynningu, en Auto Express gerir ráð fyrir að Explorer verði á sambærilegu verði við Volkswagen ID.4, á sama tíma og hann lægi undir hágæða Mustang Mach-E í gerðum Ford.
Það ætti að þýða byrjunartölu upp á um 40.000 pund á Bretlandsmarkaði (um 6,9 milljónir ISK), þar sem Explorer í hæsta gæðaflokki státar af stórri rafhlöðu og fjórhjóladrifi sem yrði svipað og á ID.4 GTX frá rúmlega 50 þúsund pundum (um 8,6 milljónir ISK). Afhendingar til viðskiptavina ættu að hefjast undir lok ársins.
(frétt á vef Auto Express – Myndir frá Ford)
