Rafdrifinn Audi A6 Avant

Rafdrifinn Audi A6 Avant

• Audi mun stækka rafbílalínuna með A6 stationbíl
• Rafknúinn stationbíll Audi er byggður á nýja PPE undirvagninum sem þróaður var með Porsche

BERLÍN – Audi mun stækka rafbílalínuna sína með rúmgóðum stationbíl, eða Avant eins og Audi kallar þessa gerð, sem byggir á PPE undirvagninum sem Audi er að þróa með Porsche.

Audi afhjúpaði A6 Avant e-tron hugmyndabílinn á árlegri fjölmiðlaráðstefnu á fimmtudaginn.

Framleiðsluútgáfan af 5000 mm löngum bílnum mun hafa allt að 700 km drægni samkvæmt WLTP staðlinum, allt eftir drifkerfi og gerð bílsins.

Deilir undirvagni með Porsche

Bíllinn deilir Premium Platform Electric (PPE) undirvagni með A6 Sportback e-tron fólksbílnum sem Audi kynnti á síðasta ári og væntanlegum Audi Q6 og Porsche Macan rafknúnum crossoverum.

Drifkerfið og rafgeymatæknin byggir á 800 volta kerfi með allt að 270 kílóvatta hleðslugetu.

Lykilatriðið í framtíðarbílum Audi og Porsche PPE er rafhlöðueining á milli öxlanna, sem í tilviki A6 Avant hugmyndabílsins geymir um 100 kílóvattstundir af orku.

Með því að nota allan undirvagn ökutækisins er hægt að haga því þannig að rafhlaðan hvíli á sléttum fleti.

Myndavélaspeglar neðst á A-bitanum auka framúrstefnulegt útlitið.

Ökutækið er með háþróaðar LED ljósaeiningar, þar á meðal fjögur LED-ljós sem eru innbyggð í horn ökutækisins og Digital Matrix LED framljós.

Ef ökutækinu er lagt fyrir framan vegg meðan bíllinn er hlaðinn geta ökumaður og farþegar stytt sér stundir við að spila tölvuleik sem varpað er á vegginn!

Í netviðtali sem Audi birti útskýrði Philipp Roemers yfirmaður hönnunardeildar fyrirtækisins að aðalhlutverkið sem fáguð hlutföll gegndu í hönnun A6 Avant e-tron miðuðust út frá löngu hjólhafi vegna risastórrar rafhlöðu.

„Auðvitað beittum við nokkrum brellum, til dæmis álrönd sem liggur meðfram toppi yfirbyggingarinnar og fer inn í afturvindskeiðina, sem lætur bílinn líta út fyrir að vera lægri en hann er í raun og veru,“ sagði hann.

Sérstaklega var hugað að hönnun framendans, þar á meðal lokað einfalt grillið, og sem er neðst afmarkað af djúpum loftinntökum til að kæla drifrás, rafhlöðu og bremsur.

Umgjörð grillsins er einnig með innbyggða lýsingu og skynjara.

„Úr 100 metra fjarlægð sérðu greinilega að þetta er Audi, en á sama tíma geturðu séð að hann er rafknúinn,“ sagði hann.

Gert er ráð fyrir að A6 Avant e-tron fari í sölu árið 2024.

(frétt á vef Automotive News Europe – myndir frá Audi)

Hér er myndband frá Audi: