Rafbíllinn Fiat 500 áfram smíðaður á Ítalíu
- Stellantis staðfestir að framleiðsla Fiat New 500 EV verði áfram á Ítalíu
- 500-bíllinn verður áfram smíðaður í Mirafiori verksmiðjusamstæðunni í Tórínó
TÓRÍNÓ – Arftaki Fiat New 500 litla rafbílsins verður áfram smíðaður í Mirafiori verksmiðjusamstæðunni í Tórínó, staðfesti Stellantis þegar fyrirtækið tilkynnti um úthlutun staðsetningar á smíði nýrra gerða.
Að auki mun verksmiðjan – sú elsta samstæðunnar á Ítalíu, sem hefur starfað í Tórónó frá árinu 1939 – einnig fá tvær nýjar Maserati gerðir, sögðu stjórnarformaður Stellantis, John Elkann, og forstjórinn, Carlos Tavares á fundi með embættismönnum á mánudag.
Nýi 500, sem kom á markað síðla árs 2020, var sjöundi mest seldi rafbíllinn í Evrópu árið 2021, með 44.371 sölu samkvæmt tölum frá Dataforce (Sjá töflu hér að neðan).
Heimildir birgja sögðu Automotive News Europe að Stellantis stefni að því að smíða 90.000 eintök af „nýja“ 500 á þessu ári, þar sem framleiðslan eykst í 120.000 árið 2023 og þarfnast þriðju vaktarinnar.
Stellantis sagði á síðasta ári að Mirafiori-samstæðan myndi verða miðstöð rafbíla.
Nýi bíllinn frumsýndur 2027
Áætlað er að arftaki New 500 verði frumsýndur um 2027 og er líklega byggður á komandi STLA Small arkitektúr.
Nýi 500 rafmagnsbíllinn er eingöngu seldur í Evrópu og Stellantis neitaði að tjá sig um hvort hann yrði seldur í Norður-Ameríku.
Fiat seldi í stuttan tíma í Bandaríkjunum fullrafmagnaða útgáfu af 500 smábílnum sem var smíðaður í Mexíkó og unninn úr 500-bíl með hefðbundinni brunavél sem Stellantis heldur áfram að smíða fyrir Evrópu í Tychy í Póllandi. Sú gerð var öðruvísi en New 500.
Maserati mun síðar á þessu ári hjá Mirafiori hefja framleiðslu á nýjum GranTurismo coupe með hefðbundinni brunavél, en ári síðar kemur GranCabrio blæjubíllinn. Gerðirnar tvær munu fá rafhlöðuknúin afbrigði árið 2023.
Mirafiori verksmiðjan byrjaði að smíða Maserati árið 2016 með Levante millistærðarjeppanum.
Seint á síðasta ári var framleiðsla á millistærð af Ghibli fólksbifreið og Quattroporte lúxus fólksbifreið flutt þangað frá Grugliasco verksmiðjunni í nágrenninu, sem þá var lokað.
Stellantis sagði í fréttatilkynningu á mánudag að verið væri að ræða við sveitarfélög um möguleikann á að opna aðstöðu til að taka í sundur rafhlöður í Mirafiori.
Í fréttatilkynningunni sagði að líta ætti á breytinguna yfir í rafvæðingu sem leið til að skapa skilyrði til að kanna ný landamæri, þar á meðal „nýjar hugmyndir sem Stellantis er að rannsaka á sviði hringrásarhagkerfis, sem mun krefjast frekari viðræðna til að byggja upp verkefni ásamt Piemonte-héraðinu og sveitarfélagi Tórínó.
Renault Group er í því ferli að breyta verksmiðju sinni í Flins fyrir utan París yfir í endurvinnslu, endurnýtingu og annað „hringrásarhagkerfi“ og mun gera slíkt hið sama í verksmiðju á Spáni.
Forstjóri Renault, Luca de Meo, sagði í desember að slík starfsemi muni skila 1 milljarði evra í tekjur árið 2030.
(frétt á vef Automotive News Europe)
