Playstation á hjólum?
Samkvæmt nýlegri skýrslu um framleiðslu sportbíla í Japan kemur fram að nýi Nissan GT-R verði með brunavél undir húddinu.
Það þykja óvæntar upplýsingar vegna þess að álitið var að núverandi kynslóð, R35 myndi vera grunnur næstu kynslóðar, R36 sem yrði þá að einhverju leyti rafvædd.
Kraftmikil handsmíðuð brunavél
Nú hafa hins vegar borist fréttir þess efnis, ef marka má vefmiðilinn „Best Car“ að nýr GT-R verði að mestu leyti endurgerð R35 kynslóðarinnar. Þessi aðferðafræði er sú sem menn eru meira og meira að snúa sér að í dag til að geta boðið framleiðslubíla í litlu upplagi án þess að þeir kosti hálfan handlegg.
Þetta sér maður hjá bílaframleiðendum eins og Subaru með BRZ, Dodge með Charger og Lexus með IS og svo Nissan með sinn eigin Z bíl.
Áframhaldandi framleiðsla
Greint hefur verið frá því Kazutoshi Mizuno aðalverkfræðingur hönnunar Nissan GT-R hafi verið að þróa milda blendingsútgáfu af sportbíl sem átti að verða hinn nýi R36 bíll. Mizuno hætti hins vegar hjá Nissan og því seinkaði verkefninu. Því er spáð að erfitt verði fyrir Nissan að hætta framleiðslunni á R35 árið 2022 eins og ráð var fyrir gert.
Því má reikna með að allavega ein árgerð enn af hinum goðsagnakennda sportbíl (R35), verði framleidd áður en til kynslóðaskipta kemur.
Enn og aftur, samkvæmt japanska bílavefnum „Best Car“ er sagt að R36 verði framleiðslubíll með hreinni brunavél með öllu því sem núverandi R35 hefur og meiru til.
Það verður hins vegar lítill útlitsmunur á bílunum þar sem svo stutt er á milli framleiðslu þeirra. Nissan áhugamenn muna eflaust eftir hve mikil breyting varð á bílnum í kynslóðaskiptum GT-R á milli R34 og R35.
Bráðum kemur rafmagn
Það kemur svo fram í greininni að aðeins sé mögulegt að nýr GT-R verði búinn bensínknúnum mótor vegna góðrar stöðu Nissan í framleiðslu rafmagns- og blendingsbíla.
Það gæti hjálpað Nissan að jafna út kolefnisaukninguna sem framleiðsla sportbílsins mun valda, sem partur af heildar framleiðslulínu fyrirtækisins.
Einn rosalegasti sportbíll allra tíma
Að sjálfsögðu, ef satt reynist, þýðir það ekki endilega að R36 verði bensínknúinn um alla framtíð – sérstaklega ekki ef ný kynslóð bílsins verður jafn langlíf og R35. Við megum búast við stöðugri þróun líkt og verið hefur í gegnum árin.
Það er því ekki langsótt að ætla að Nissan GT-R skrímslíð verði rafvæddur innan skamms.
Vél og tækni:
Vél: 3,8 lítra, V6.
Hestöfl: 601 við 6,800 rpm.
Tog: 652 Nm við 3,200-5,800 rpm.
Hámarkshraði: 330 km.
Hámarkshraði: 330 km.
Drif: Aldrif.
Hjólabarðar: Að framan 255/40ZRF20 og að aftan 285/35ZRF20. Hjólbarðar fylltir með nítrógeni til að koma í veg fyrir flökt á loftþrýstingi í hraðakstri.
(Byggt á grein Autoblog)
