Peugeot mun bæta við fimm nýjum rafbílum
Bílarnir munu verða viðbót við núverandi tegundarlínur fyrir árið 2025
Fyrirtækið sem er í eigu Stellantis mun bjóða upp á rafbíla afbrigði af öllum núverandi gerðum, þar á meðal rafmagns Peugeot 408
Peugeot mun setja á markað fimm nýjar rafmagnsútgáfur af núverandi gerðum á næstu tveimur árum áður en hann kynnir nýja fjölskyldu „bíla sem byggja eingöngu á grunni rafhlöðu“ bíla frá 2025.
Vörumerkið hefur þegar sett á markað eða afhjúpað rafknúnar útgáfur af Peugeot 208, Peugeot 2008, Peugeot 308 og Peugeot Rifter og stefnir á að bjóða upp á rafmagnsútgáfu af öllum gerðum sínum um miðjan áratuginn.
Nú þegar er staðfest að rafmagnsútgáfa af nýjum Peugeot 408 coupé-sportjeppa sé í smíðum, en þessi nýjasta tilkynning frá vörumerkinu bendir eindregið til þess að nýjar rafmagnsútgáfur af vinsælum 3008 og 5008 sportjeppum gætu einnig verið á kortunum, sem og hugsanlega uppfærðar útgáfur af núverandi rafbílum, þar á meðal e-208, e-2008 og e-Rifter MPV.
Væntanlegur rafknúinn e-308 hlaðbakur kemur á markað á næstu mánuðum og mun líklega verða áfram í sölu í núverandi mynd fram til 2025 og ólíklegt er að 508 fái hreina rafknúna útgáfu í núverandi mynd, miðað við aldur.
„Nýju gerðirnar fimm sem koma á næstu tveimur árum munu óhjákvæmilega vera af núverandi gerðum sem við höfum, að vissu marki,“ sagði forstjóri Peugeot, Linda Jackson. „Og þú munt byrja að sjá allt sem við höfum séð á Inception frá 2025/2026 og áfram.
Nýja Inception hugmyndin er djörf viljayfirlýsing fyrir Peugeot EV-bíla í framtíðinni sem byggir á nýjum STLA-grunni móðurfyrirtækisins Stellantis.
Sá bíll var opinberaður á CES sýningunni í Las Vegas (og við fjölluðum um hann hér á síðunni) og gefur fyrstu vísbendingar um endurhugsun í grunninn á nálgun Peugeot að ytri hönnun, innri skipulagi og afkastagetu.
Líklegt er að fyrsti Inception-innblásinn framleiðslubíllinn verði sýndur árið 2025 og settur á markað árið 2026.
Nýjar rafknúnar Peugeot-gerðir sem kynntar voru fyrir þann tíma munu áfram byggjast á annaðhvort CMP eða EMP2 mátgrunni, sem standa undir núverandi úrvali fólksbíla vörumerkisins.
Nýlegar njósnamyndir sem hafa verið sendar Autocar benda til þess að 3008 crossover-bíllinn verði endurgerður sem coupé-jepplingur á næstu árum og rafknúin útgáfa af þessari nýju gerð (eða afbrigði) myndi teljast ein af þessum fimm nýjum gerðum.
Peugeot hefur enn ekki opinberlega staðfest áætlanir um nýjan crossover.
Hins vegar, ef fyrirtækið kynnir rafknúnar útgáfur af 3008 og 5008 crossoverum sínum, mun það vera vel í stakk búinn til að keppa við nokkra af mest seldu rafbílum í Evrópu, þar á meðal Kia Niro EV, Hyundai Kona Electric, Tesla Model Y og Volkswagen ID.4.
Áður en nýja fjölskyldan af STLA gerðunum kemur frá 2025 er búist við að rafbílar Peugeot verði í stórum dráttum svipaðir, tæknilega séð, núverandi bílum.
Öflugasti mótorvalkosturinn framleiðir nú 156 hestöfl en stærsta rafhlaðan sem völ er á – 51kWh eining – gefur um 400 km drægni í e-308.
Allar e-3008 og e-5008 gerðir gætu fengið aukið afl og rafhlöðugetu til að taka tillit til aukinnar stærðar, þyngdar og drægni fyrir langa vegalengd, en Peugeot segir enn lítið um endurbætur sem það gæti gert á núverandi kynslóð EV vélbúnaðar.
(vefsíður Autocar og Automotive Daily)
