-BMW Motorrad afhjúpar R 18 „krúser“ með 1,8 lítra Big Boxer vél
Öflugasta boxervél BMW frá upphafi
Autoblog-vefurinn segir okkur frá því að BMW hafi frumsýnt 2021 R 18, „krúser“ í gamaldags stíl sem líkist engu öðru BMW mótorhjóli sem nú er til. Innblásið af BMW R 5 frá fjórða áratugnum og hefur hjólið opið drifskaft, tvöfaldan „lykkjugrind“ og 1,8 lítra lárétt andstæða tveggja strokka vél sem kallast Big Boxer.
Með afslappaðri stöðu sætis, „tæknibúnaði án neinna aukahluta“ og gerð á grind sem unnin er fyrir eftirmarkaðssviðið, leitast R18 við að uppfylla þarfir þeirra sem vilja hafa hlutina einfalda og eins þeirra sem vilja sérsníða hlutina.
BMW hefur verið í raun að forsýna R 18 allt síðasta ár með fjölda þróunarverkefna. Fyrst kom tríó af hugmyndahjólum – Concept R18, Custom Works Zon Departed og Birdcage – sem notaði útgáfur frumgerða af Big Boxer vélinni sem nú sést í R 18. Síðan kom R 18/2 sem gaf skýrari líta á hvernig nútíma BMW „krúserar“ gætu litið út. Í lokaútliti sínu er R 18 svo greinilega með tilvísun til R5 að hjólið lítur næstum út eins og eftirmynd í fljótu bragði.
R 18 hefur næstum allar línur hönnunar sem R 5 hafði upp á að bjóða. Það er með eitt framljós að framan, perulaga bensíntank, tvöfaldan lykkju stálgrind, yfirbyggingu úr málmi, stakt sæti, teinótt lakk og glansandi króm-útblástur. Fyrsta útgáfa, sem sést hér, inniheldur smá áberandi viðbætur eins og hvítar rendur á svartri málningu, króm-smáatri, sætismerki og krómhespur á hliðarklæðningum. Það er merkilegt hvernig tvö mótorhjól, sem eru með 84 ára aldursmun, geta litið svipað út og sýnir að sönnu dæmi um tímalausan stíl.
Í grunninn er R 18 með boxervél, rétt eins og R5 gerði. Þessi nútíma endurtekning er 1.802 cc og krefst titilsins öflugasta boxervél sem BMW hefur smíðað. Vélin er 90 hestöfl við 4.750 snúninga á mínútu og 150 Nm af togi milli 2.000 og 4.000 snúninga á mínútu.
Klassískt fyrirkomulag birtist einnig hér í fjöðruninni þar sem R 15 er með fjaðarandi gaffal að framan með 1,9 tommu rörum. Miðjustæð sjálfstæð fjöðrunin er með færsluháða dempingu og stillanlega hleðslu fjöðrunar, og aftan er hjólið með tvöfalda sveifluarma með lokuðu ásdrifi. Færsla fjöðrunar upp að framan er um 12 cm en að aftan 8,8 cm. Hemlun er með tvöföldum diskum að framan, einum disk að aftan og fjögurra stimpla hemladælur.
Þrátt fyrir að R 18 sé ætlað að hafa minni tækni, þá hefur það samt fjölmarga uppfærða eiginleika eins og LED lýsingu, aðlagandi beygjuljós, takkalausan akstur með fjarstýringu, bakkaðstoð og aðstoð við akstur af stað í halla.
Það hefur einnig sjálfvirka stöðugleikastjórnun, stýringu á togátaki vélarinnar og þrjár akstursstillingar: Rigning, „Roll“ og „Rock“.
R 18 er tilbúið til að „hoppa beint“ í bílskúrinn til að fara í „sérsmíði“. Það er með afturgrind sem auðvelt er að fjarlægja og BMW segir að hemlalagnir, kúplingskaplar og raflagnir séu smíðuð til að auðvelda uppsetningu og aðlögun á stýri. Sýnileg ventlalok og reimahlífar voru einnig hönnuð til að auðvelda skiptingu.
R 18 er í boði í fyrir fram pöntun með upphafsverð um 2,6 milljónir ISK. Fyrstu útgáfupakkinn er 310.000 ISK aukalega.
