Nýtt útlit hjá Porsche
2024 Porsche 718 Boxster og Cayman “Style Editons” opinberaðar
“Ruby Star Neo” er stjörnuliturinn fyrir þessa sérstaka gerð
Porsche var að kyna nýtt útlit og djarfan lit á bílunum sínum, og segir að “718 Style Edition” verði fáanlegur árið 2024 núna, ekki 2023 eins og áður hafði verið sagt.
2024 Porsche 718 Boxster og Cayman tvíburarnir fá báðir nýtt afbrigði þegar 2024 árgerðin rennur upp sem kallast „Style Edition“ og þeir hafa svo sannarlega nýtt útlit.
Bæði 718 Boxster og 718 Cayman Style Edition eru byggðar á upphafsútgáfu bílsins. Það þýðir að þeir eru allir búnir 2,0 lítra forþjöppu fjögurra strokka vélinni sem skilar 300 hestöflum og 380 NM togi. Beinskipting er staðalbúnaður og PDK er valfrjálst.
Það sem gerir Style Edition einstaka frá öðrum 718-bílum, ef það var ekki augljóst þegar, er útlitið.
Sem staðalbúnað færðu 20 tommu 718 Spyder felgurnar málaðar í svörtum háglans og með lituðum Porsche-merkjum. Eins og sést er Cayman á myndunum með þessar svörtu felgur, en hægt er að velja Style Edition „andstæða pakka“ sem málar hjólin í háglans hvítu í staðinn. Þessi pakki inniheldur einnig skrautlegar hvítar rendur á húddinu, hvítt „Porsche“ merki á hliðinni og gerðarnafnið í gljáandi hvítu.
Á hinn bóginn er fáanlegur Style Edition andstæðupakki í svörtu sem skiptir öllum fyrrnefndum hvítmáluðum hlutum út fyrir svarta.
Skoðum hvað er staðlað, púströrin eru í svörtu og „Porsche“ áletrunin að aftan er í háglans silfri.
Ef þú velur Boxster færðu líka „Boxster“ merkingu upphleypta í blæjutoppinn. Svo er það glæsilega bleika málningin á Boxster – þetta er nútímaleg túlkun á „Ruby Star 964 Carrera RS (eins og sést á bak við á myndinni hér efst).
Að þessu sinni kallar Porsche það „Ruby Star Neo“ og það er nýlega fáanlegur litur fyrir 718 á þessu ári. Að innan eru allar Style Edition gerðirnar með svartri leðurinnréttingu með krítar (hvítum) skuggasaumum.
Hvað varðar búnað og tækni fyrir Style Editions setti Porsche saman pakka af valkostum sem eru staðalbúnaður.
Þar á meðal eru sportpúströr, kraftmikil Bi-Xenon framljós (PDLS), hliðarspeglar og baksýnisspeglar með sjálfvirkri dimmingu, hita í stýri, Porsche merki upphleypt í höfuðpúða, upplýstar hurðarsylluhlífar úr ryðfríu stáli, stöðuskynjarar að framan/aftan og tveggja svæða, sjálfvirkt loftfrískunarkerfi.
Porsche segir að Style Edition gerðirnar verði fyrst sett á markað í Evrópu.
(frétt á vef Autoblog)
