Nýtt Nissan-merki kynnt samhliða frumsýningunni á rafbílnum Ariya
- Rétt eins og Volkswagen hefur Nissan opinberað nýtt merki til að koma rafbíla-byltingunni af stað
Nissan hefur sent frá sér uppfærða útgáfu af einkennismerki fyrirtækisins samhliða kynningu á hinum nýja, hreina rafmagnaða Ariya sportjeppa.
Uppfærslan á merkinu skiptir um „Nissan“ bókstafina – sem hefur birst á merki fyrirtækisins síðan á sjöunda áratugnum – fyrir mínimalíska hönnun, mjóar línur og þrengri leturgerð. Forstjóri fyrirtækisins, Makoto Uchida, lýsir uppfærðu merkimerkinu sem „framúrstefnulegu, meðan það heldur sambandi við ríka arfleifð Nissan.“
Volkswagen tók nýlega svipaða afstöðu með vörumerki sitt og kynnti jafn naumhyggjulega endurhönnun á lógóinu við kynningu fyrsta rafmagns ökutæki sínu, ID.3.
Nýja merkið frá Nissan mun fyrst birtast á framendanum á nýja Ariya rafbílnum, sem er væntanlegur á Evrópumarkað á næstu 18 mánuðum.
Nissan segir að merkið muni einnig á komandi gerðum með hefðbundnum vélum, svo sem þriðju kynslóð Qashqai, fjórðu kynslóð X-Trail og hinum nýja Z sportbíll fyrirtækisins. Það verður smám saman sett á allan flota fyrirtækisins á næstu mánuðum.
