Nýjasta afkvæmi VW lítur út fyrir að hönnuðir hafi dregið einhvern lærdóm af keppinautunum því nú kemur bíll með mun meiri drægni og fullt af nýrri tækni.
Næstum því fimm metra langur ID.7, stækkar því ID línu VW talsvert enda vilja menn kalla hann „ID flaggskipið“ en bíllinn á klárlega að keppa við Tesla Model 3.
ID.7 PRO sem er fáanlegur í byrjun, er búinn 77 kWst rafhlöðu en 82 kWst.
PRO S kemur síðar. Um er að ræða einn mótor sem staðsettur er í afturhluta bílsins. VW áætlar að drægnitölur verði annars vegar um 620 kílmómetrar skv. WLTP og hins vegar um 700 kílómetrar. Model 3 er að fara allt að 600 kílómetrum skv. WLTP staðlinum.
Öflugur
Hann verður hins vegar aðeins hægari en Teslan með afköst upp á 282 hestöfl.
VW hefur enn ekki gefið út nákvæmar tölur en ætla má að ID.7 sé að geta farið frá 0-100 km/klst. á um 6 sekúndum. Líklega mun hraðari útgáfa ID.7, GTX bíll koma síðar.
Útlitslega séð deilir bíllinn talsvert miklu af einkennum með til dæmis ID.4. Að framan eru þeir keimlíkir. Að aftan má svo sjá ljóskeilu í fullri breidd sem virkar hvít þar til kveikt er á henni.
ID.7 er best lýst sem „fastback”, með hallandi þaki eða svokallaður hlaðbakur. Hann er sportlegur í útliti, með lágan viðnámsstuðul eða 0.23Cd. Allir ID.7 verða með svörtu þaki og með svörtum hurðabitum.
Talsverðar jákvæðar breytingar
Að innan virðast VW hafa tekið eitthvað á þeirri gagnrýni sem fyrri gerðir ID bíla hafa fengið.
Í nýjum ID.7 er mun meira lagt í mælaborð og hluti í kringum það, mun meira af mýkri snertiflötum en í ID.4 og ID.5 til dæmis.
Sætin eru læknisvottuð
Bíllinn státar af sætum sem þýskir baksérfræðingar hafa vottað en það er hluti af þýskri herferð sem kallast „ErgoActive“, en sætin eru rafdrifin með nuddi og kælingu/blæstri.
Snjöll loftlagsstýring notar hita- og rakaskynjara til að finna bestu stillinguna – annaðhvort fyrir upphitun eða kælingu og jafnvel þurrkun ef þú hefur lent í dembu á leiðinni að bílnum.
Fullt af nýjum fídusum
Í bílnum er nýr 15 tommu skjár sem búið er að hanna þannig að miðstöðvarstýringar eru staðsettar neðst og fastar þar.
Annað atriði sem VW hefur fengið gagnrýni fyrir er að snertiflöturinn til að hækka og lækka í miðstöð og útvarpi er nú baklýstur og sést því betur í myrkri.
Bíllinn er svo með öflugu litaljósakerfi sem reyndar er ID bílunum í dag.
Vert er að taka fram að ekki er hægt að handstilla neina lofttúðu í bílnum. Þú breytir því bara í gegnum skjákerfið en með vali á blæstri stillir bíllinn þetta sjálfur. Að öðrum kosti geta notendur bílsins notað endurbætt „IDA“ raddstýringakerfið með leiðbeiningum eins og „My hands are cold“.
Skuggalega tæknileg sóllúga
Í mælaborðinu er síðan að finna lítinn stafrænan innbyggðan skjá sem svipar til uppsetningar í Skoda Enyaq. Til viðbótar þessum staðlaða skjá er síðan hægt að fá sjónlínuskjá (head-up-display) sem virðist varpa upplýsingum úr leiðsögukerfi á veginn framundan.
Valfjráls glertoppur verður í boði en hann er búinn til úr sérstökum „fjölliða vökva kristal” (polymer-dispersed liquid crystal) en sú tækni býður upp á takkastjórnun á því hvort þú sérð í gegnum glerið eður ei.
Svo er í boði 700w Harman Kardon hljóðkerfi með 14 hátölurum.
Byggt á grein af vefnum Auto Express.
Umræður um þessa grein