- Cyan Racing hefur opinberað nýjustu útgáfuna af hinum gamla og þekkta P1800, byggðan á „klassík“ frá Volvo
Alastair Crooks hjá Auto Express rifjar upp forsöguna: Árið 2020 settumst við undir stýri á Volvo P1800 Cyan, sem þá var ætlaður til aksturs á kappakstursbraut. Nú hefur Cyan Racing snúið aftur með vinalegri „grand tourer“ afbrigði, sem er viðeigandi kallaður P1800 Cyan GT.
Svona bílar eru kallaðir „Restomod“ því hér er verið að endursmíða bíl sem þegar er til og gefa honum nýtt og ferskara útlit.
Upprunalegi P1800-bíllinn var best þekktur vegna tengsla við vinsæla sjónvarpsþáttinn „The Saint“ (Dýrlinginn) með Roger Moore, en þessi nýja útgáfa frá Cyan Racing virðist vera fjarri hinum milda upprunalega bíl sem var í sjónvarpsþáttunum.
Cyan Racing, sem, eins og Volvo, er í eigu Geely, hefur ættbók fyrir svona dót – í formi nokkurra bíla fyrir „heimsmeistaramót“.
Cyan segir að hinn nýi P1800 GT sé með fullstillanlega fjöðrun sem hefur verið sett upp fyrir „hlykkjótta sveitavegi og hvetjandi en þægilegur fyrir lengri akstur“.
Eins og 2020 bíllinn notar nýja gerðin sömu 2,0 lítra forþjöppu fjögurra strokka vélina og er boðin í úrvali vélarafls, allt frá 350 hö til 420 hö. Hann er með fimm gíra beinskiptingu og aflið fer í afturhjólin.
Engar tölur um frammistöðu hafa verið gefnar upp fyrir GT, en Auto Express grunar að kraftmeiri útgáfurnar muni keppa við venjulegan P1800 Cyan fimm sekúndna 0-100km/klst tíma og 270 km/klst hámarkshraða. Þyngd er innan við 1.000 kg, vegna þess að búið er að bæta við títan veltibúri og hlutar yfbyggingar er nú úr koltrefjum.
Bíllinn er byggður á gamla P-1800 sem væntanlegur kaupandi leggur til smíðinnar, og Cyan heldur því fram að umbreytingin taki 12-15 mánuði, með stærri brettabogum sem hýsa stórar álfelgur. GT er málmgrænn á lit (fyrri Cyan P1800 voru blár), en að innan er endurbólstrað farþegarými með leðri og tauefni, auk aukinnar hljóðdempunar til að hjálpa þessum bíl að samræma ætlað (liðlegar 65 milljónir ISK) GT bragð hans.
Cyan hefur ekki gefið upp hversu margir GT-bílar verða smíðaðir eða hvað þeir munu kosta, en P1800 Cyan var verðlagður á um 375.000 pund, og þá var gamli P-800 ekki talinn með í verðinu. Auto Express grunar svipaða tölu fyrir þessa mýkri gerð, meira ætluð fyrir akstur ávegum.
Þannig að ef einhver á gamlan Volvo P-1800 og nóg af aurum, þá er hér tækifæri að eignast nútíma útgáfu af bíl „Dýrlingsins“.
(Alastair Crooks – Auto Express)
