- Renault stefnir á nýjan Twingo EV sem ódýrt svar við kínverskum keppinautum
- Nýi Twingo mun hafa orkunotkun upp á 10 kílóvattstundir á 100 km, sem væri 50 prósent betri en núverandi litlir rafbílar.
PARIS – Viðbrögð Renault við ódýrum rafbílum frá evrópskum keppinautum og nýjum þátttakendum frá Kína verða næstu kynslóð Twingo, fullrafmagns borgarbíll sem smíðaður er í Evrópu og kostar minna en 20.000 evrur (um 3 milljónir ISK), sagði forstjórinn Luca de Meo.
Bílaframleiðandinn sagði á miðvikudag að hann myndi setja bílinn á markað árið 2026 og de Meo sýndi fjárfestum bílinn á fjármagnsmarkaðsdegi hér fyrir Ampere, rafbíladeild Renault.
„Þetta er silfurkúla fyrir sjálfbæran hreyfanleika í þéttbýli,“ sagði de Meo. Hann sagði að bíllinn yrði þróaður á „mettíma“ – tveimur árum til að samsvara við hraða kínverskra bílaframleiðenda.
Renault lýsti nýja Twingo sem „hentugu borgarfarartæki“ með mánaðarkostnað undir 100 evrur og „besta orkunotkun í sínum flokki“ upp á 10 kílóvattstundir á 100 km, sem væri 50 prósent betri en margur núverandi lítill rafbíll.
Renault Twingo 2026 – Renault lýsti nýja Twingo sem „hentugum þéttbýlisbíl“. Mynd: LUCA CIFERRI
Í fyrri fréttatilkynningum hafði Renault vísað til Twingo sem „Legend“.
De Meo líkti nýrri kynslóð Twingo við japönsku kei bílana, sem eru bílar með lítið slagrými.
Twingo gæti verið framleiddur í verksmiðju Renault í Novo Mesto í Slóveníu, sem smíðar núverandi Twingo í rafhlöðu-rafmagns- og brunavélaútgáfum, og Clio smábílinn. Verksmiðjan hefur einnig framleitt Smart ForFour, systkinagerð Twingo.
Keppinautar munu verða hugsanlegar framtíðargerðir frá Tesla og Volkswagen auk Citroen New e-C3, sem smíðaður verður í Slóvakíu, mun kosta 23.300 evrur og hafa 300 km drægni. Gert er ráð fyrir að styttri útgáfa af nýja e-C3, væntanleg árið 2025, kosti innan við 20.000 evrur.
Nokkrir sérfræðingar búast hins vegar við að raunveruleg ógn komi frá Kína, þar sem ódýrasti rafbíllinn frá Renault, Dacia Spring, er smíðaður.
De Meo lýsti nýja Twingo sem „viðbrögðum við mörgum málum, áskorunum og þversögnum sem við verðum að ná tökum á,“ þar á meðal arðsemi smábíla (A hluti), geopólitískar spurningar um Kína, sjálfbærni og flutningamál.
Kei bílar
Hann líkti nýrri kynslóð Twingo við japönsku kei bílana, sem eru litlir bílar með litlu slagrými sem eru meira en þriðjungur markaðarins þar í landi.
Luca de Meo aðalstjórnandi Renault við kynninguna á nýja Twingo í dag – mynd: Luca Ciferri
„Twingo er evrópski kei bíllinn,“ sagði hann. „Þetta er mjög gáfulegt hugtak. Það þýðir ekkert að nota 2,5 tonna bíl til að flytja einn mann í borginni.“
„Við verðum að fara aftur í smærri bíla,“ bætti hann við. „Í stað þess að tala um það, er ég að kynna lausn sem er framkvæmanleg, og það er Twingo.
De Meo hefur reynslu af því að setja á markað farsæla borgarbíla. Sem yfirmaður Fiat á árunum um 2000, studdi hann þróun Fiat 500, sem hefur verið á markaðnum að mestu óbreyttur síðan 2007.
„Þetta minnir mig á 500 hjá Fiat,“ sagði hann um væntanlegan Twingo, sem hann kallaði „ímynd“ Renault vöru. „Þetta er verkefni sem kemur upp úr innviðum stofnunarinnar. Þú þarft í raun ekki að skipuleggja það – fólk vill smíða hann“.
(PETER SIGAL – Automotive News Europe)
