- Uppfærður Peugeot 2008 er frumsýndur með frísku útliti og nýrri mild-hybrid tækni, auk meira drægni fyrir e-2008 EV
Bílavefsíður hafa í dag verið að fjalla um uppfærslu á Peugeot 2008 og breytingar eru þessar helst:
- Uppfært ytra útlit
- Ný innri tækni
- Hybrid útgáfa á leiðinni
- Bætt drægni, allt að 405 km, og afl fyrir E-2008
- Til sölu í sumar
Peugeot 2008, litli sportjepplingurinn hefur átt velgegni að fagna fyrir franska vörumerkið, oft meðal þriggja söluhæstu minni crossover-bíla í Evrópu og í efsta sæti listans árið 2021.
Til að halda þeirri velgengni áfram hefur franska vörumerkið opinberað uppfærðan 2008, með sportlegum áherslum í útliti, nýtt rafknúið úrval með brunahreyflum og allt að 405 km drægni fyrir hreinan rafknúinn e-2008.
Venjulega bensínvélin er áfram, með vali á 99 hestöfl eða 128 hestafla 1,2 lítra þriggja strokka PureTech vélum, sem eru tengdar við annað hvort sex gíra beinskiptingu eða átta gíra sjálfskiptingu. Gera má ráð fyrir að frammistaðan verði óbreytt miðað við forvera hans, sem hraðaði úr 0-100 km/klst á 12,2 og 10,7 sekúndum í sömu röð fyrir PureTech 100 og PureTech 130 handskiptar gerðir.
Rafmagns Peugeot E-2008 hefur einnig fengið stærri rafhlöðu með meiri drægni til að halda í við valkosti eins og Kia E-Niro og Vauxhall Mokka Electric.
Peugeot 2008 hefur alltaf verið stílhreinn lítill sportjeppi og þessi andlitslyfting byggir aðeins á þessu.
Að framan er nýtt grill sem er innblásið af stærri Peugeot 408, auk uppfærðra dagljósa.
Hliðarsniðið er nokkurn veginn það sama og áður. Það eru þó nokkrar nýjar álfelgur, með stærðum á bilinu 16 til 18 tommur.
Á afturendanum sjást ný LED afturljós og lógóinu hefur verið sleppt og í staðinn stendur orðið Peugeot skrifað yfir afturhliðina.
Ný innrétting og upplýsinga- og afþreyingarkerfi
Innanrýmisbreytingarnar eru ekki eins stórkostlegar með nýjum Peugeot 2008. Þú færð samt litla stýrið úr öllum öðrum gerðum Peugeot og það er líka ný tækni um borð.
Núna kemur 10,0 tommu stafrænn ökumannsskjá og 10,0 tommu afþreyingarskjár með nýjum og endurbættum raddskipunum. GT gerðir fá líka flott Alcantara áklæði á sætin.
Nýjar vélar
Nýr Peugeot 2008 verður fáanlegur með sömu 1,2 lítra bensínvél og núverandi bíll. Þú getur annað hvort haft 100hö eða 130hö, og hann er fáanlegur með annað hvort sex gíra beinskiptingu eða átta gíra sjálfskiptingu í aflmeiri gerðinni.
Frá 2024 mun ný tvinnútgáfa einnig bætast í hópinn. Hann mun nota lagfærða útgáfu af 1,2 lítra bensínvélinni, pöruð við lítinn rafmótor sem gerir 136 hestöfl. Það mun geta keyrt um á hægum hraða í rafmagnsstillingu og ætti líka að vera betra á eldsneyti.
Nýir mótorar og rafhlöður
Hinn rafknúni Peugeot E-2008 hefur fengið ítarlegri uppfærslu með nýrri rafhlöðu og mótorsamsetningu.
Þú færð nú 54kWh rafhlöðu, allt frá 5kWh einingunni í bílnum sem er á útleið, með 405 km drægni. Það er 77 kílómetra framför frá gömlu gerðinni, hins vegar er hún yfir 48 kílómetrum minna en Kia Niro EV.
Hvað mótorinn varðar þá er hann 20 hö meira en áður með heildarafköst upp á 156hö.
Pantanir á nýjum Peugeot 2008 verða opnaðar í sumar og búist er við að afhendingar hefjist verði í lok árs.
Verðlagning hefur ekki verið tilkynnt enn, þó er líklegt að þessi nýi bíll verði eitthvað dýrari en núverandi bíl þegar hann kemur í sölu á Englandi, en á þessari stundu er ekki vitað um aðra markaði. Bensínknúna útgáfan gæti byrjað á um 25.000 pundum (ISK 4,3 millj) á markaði í Englandi, en rafmagns E-2008 gæti verið með 36.000 punda verðmiða (liðlega 6,1 millj ISK).
(Fréttir á vef carwow og Auto Express – myndir: Peugeot)
Umræður um þessa grein