Þrátt fyrir að Kia einbeiti sér að því að stækka alrafmagns úrval jeppa með EV6 og væntanlegum EV9 og EV4, hefur kóreska fyrirtækið ekki gleymt bílum sínum með brunahreyfla – sem sést hér á andlitslyftum Kia Sorento.
Þessar myndir koma fram með leyfi teymis Kia á kóreskum samfélagsmiðlum, sem afhjúpar að fullu ytri hönnun bílsins ásamt framhluta farþegarýmisins.
Núverandi kynslóð Sorento var hleypt af stokkunum árið 2020 og síðan þá höfum við séð nýjan Sportage koma á götuna ásamt EV9 í svipaðri stærð nýlega. Það er ljóst að sá síðarnefndi hefur haft áhrif á nýja útlitið á Sorento.
Það eru líka þættir í nýja Kia Picanto borgarbílnum í andlitslyftingu Sorento. Það eru nú T-laga framljós, endurmótað grill, ný þokuljós og nýr stuðari, allt hjálpar til við að færa hönnun Sorento í takt við nýrri gerðir Kia.
Breytingarnar að aftan eru minni. Afturljósaklasarnir eru með nýrri ljósahönnun, það er endurunnin stuðari og breiða „Sorento“ merkingin hefur verið minnkuð og settur á aðra hliðina á skottlokinu. Bakkljósin hafa verið færð neðar að aftan. Auto Express sem birti þessa frétt gerir ráð fyrir að sjá nýtt úrval af álfelgum og málningu koma einnig með andlitslyftu gerðinni.
Ef við færum okkur inn á við getum við séð að mælaborðið hefur fengið svipaða hönnun og sést í rafbílalínu Kia með lægra útliti. Loftopin eru samþætt í mælaborðinu og loftstýringar líta eins út og í EV6, skjáirnir líta líka út eins og tveir 12,3 tommu skjáirnir frá EV6. Áþreifanlegu hnappar til hliðar á miðskjánum hafa verið fjarlægðir þó að val á gírum og ýmsar geymslulausnir í miðjustokknum líti út eins og áður.
Eins og er er Sorento boðinn með 2,2 lítra dísilvél með 190 hestöfl, 1,6 lítra bensíntvinnbíl með 226 hestafla og tengitvinnbíl með sömu vél en tengdur við 13,8 kWh rafhlöðu fyrir 261 hestöfl. Líklegt er að það megi búast við svipaðri línu með andlitslyftingunni, þó að rafmótorar tvinngerðanna gætu verið endurskoðaðir til að fá betri skilvirkni og afköst. Sorento situr á N3 grunni Hyundai/Kia svo engin hrein rafknúin gerð kemur.
Sorento verður áfram aðeins boðinn með fjórhjóladrifi, auk nokkurra akstursstillinga eins og „Leðju“, „Snjór“ og „Sand“ fyrir auka torfærugetu.
(frétt á vef Auto Express)
