Nýr alrafmagnaður Ford Puma sportjepplingur á markað árið 2024
Nýr rafdrifinn Ford Puma mun deila hlutum með rafdrifnum sendibílum framleiðandans
Vefur Auto Express birtir frétt um að ný fullrafknúin útgáfa af hinum vinsæla Ford Puma sportjepplingi muni koma árið 2024, sem hluti af „Model e“ rafvæðingaráætlun Ford sem inniheldur tvær stærri rafdrifmar gerðir sportjeppa og fjóra nýja rafdrifnasendibíla.
Samkvæmt Auto Express mun rafdrifna gerð Puma EV deila nokkrum íhlutum með væntanlegum rafknúnum útgáfum Transit Courier og Torneo Courier sendibíla til að halda verðinu viðráðanlegu og líklegt er að hann noti Global-B grunn núverandi bíls sem kjarna.
Ford hefur nú þegar sent frá sér kynningarmynd af Puma rafbílnum og mynd frá Auto Express hér að ofan forsýnir hönnunina betur.
Rafmagnsútfærslan mun ekki fá róttæka endurhönnun, heldur sveigjanlegri lögun staðalbílsins, framljósin sitja hátt og afturendinn er hallandi.
Hins vegar verða fjölmargar sértækar lagfæringar vegna rafmagnsins, svo sem lokað framgrill til að bæta loftflæðið, ný hönnun LED-dagljósa og aðeins breyting á neðri framstuðara.
Smíðaður í Rúmeníu
Rafmagns Puma verður smíðaður samhliða væntanlegum rafknúnum atvinnubílum Ford í Craiova verksmiðju Ford í Rúmeníu.
Aðrir nýir rafsportjeppar vörumerkisins – meðalstór gerð og sportlegri crossover – verða framleiddir í verksmiðju Ford í Köln, sem verið er að breyta í rafbílaframleiðslu með 1,5 milljarða punda fjárfestingu.
Ólíkt Puma, munu þessir rafbílar vera með MEB rafmagnsgrunn Volkswagen sem hluta af tæknilegu samstarfi milli þessara tveggja vörumerkja.
Það er ekki minnst orði á rafhlöðustærð rafmagns Puma, en Auto Express gerir ráð fyrir að drægni sé yfir 320 km, sem gerir honum kleift að keppa við „crossover“ bíla á borð við Kia Soul EV og Peugeot e-2008.
Puma var áttundi mest seldi bíll Ford í Bretlandi á síðasta ári og fór auðveldlega upp fyrir Fiesta, sem þar með datt út af topp tíu-listanum.
Vauxhall/Opel Corsa sem verður mest seldi bíll Bretlands, meðal annars vegna rafknúnu Corsa-e gerðarinnar, gæti gefið Ford kraftinn til að búa til alrafmagnaða gerð Fiesta með því að nota nátengda rafhlöðu og mótortækni Puma rafbílsins.
Hins vegar, þó að Puma gæti notað aðlagaða útgáfu af Global-B grunninum með rafknúnum sendibílaíhlutum, gæti það ekki verið framkvæmanlegt með lægri, minni fólksbíl af hlaðbaksgerð.
Í staðinn gæti rafknúin Fiesta tekið upp fyrirferðarlítinn rafknúna sendibílagrunna Ford, sem væri hagkvæm lausn.
Það er líka mögulegt að Fiesta nafnplatan gæti fylgt Mondeo og dáið út með öllu. Stuart Rowley, yfirmaður Ford í Evrópu, sagði á rafdrifinni Fiestu: „Þetta verður ekki endirinn á ferðinni. Við munum aðeins selja rafknúna fólksbíla árið 2030. Við hlökkum til að þróa framtíðaráætlanir.“
(frétt á vef Auto Express)
