2023 Toyota Prius kynntur með flottri hönnun

Nýr 2023 Toyota Prius kynntur með flottri hönnun

Heimsfrumsýning á alnýjum Prius í Japan: Prius fer í algjöra endurhönnun, með fáguðum stíl og akstursframmistöðu í litríkum og spennandi pakka

Fimmta kynslóð Prius kemur sem tengitvinnbíll og sem „hybrid“

Toyota City, Japan, 16. nóvember 2022—Toyota hefur afhjúpað nýja Prius í fyrsta sinn á heimsvísu, með Parallel Hybrid (HEV) gerðum sem koma á markað núna í vetur og Plug-in Hybrid (PHEV) gerðir sem koma á markað vorið 2023.

Eða eins ogToyota segir á heimasíðu sinni:

• Prius hefur þróast undir „Hybrid Reborn“ hugmyndinni í spennandi pakka með stílhreinni hönnun sem notendur verða ástfangnir af við fyrstu sýn og grípandi akstursframmistöðu. Markmið Toyota var að búa til bíl sem eigendur munu halda áfram að elska og keyra.
• NýrPrius erfir einstakan einmótaðan prófíl upprunalega bílsins og notar breiða og lága stöðu með stóru þvermáli dekkja til að búa til stílhreina hönnun sem höfðar til skilningarvitanna.
• Með fimmtu kynslóð tvinnkerfisins og annarri kynslóðar TNGA grunns, skilar nýi Prius þægilegum aksturseiginleikum sem fá notendur til að vilja halda áfram að keyra.

Aðeins sem tengitvinnbíll (plug-in hybrid) í Evrópu

Samkvæmt frétt á vef Automotive News Europe í dag verður þessi nýi Prius aðeins í boði sem tengitvinnbíll í Evrópu.

25 ára saga

Toyota Prius hefur verið með okkur í yfir 25 ár og á þeim tíma hefur hann orðið tákn fyrir umhverfisvænan akstur. Þrátt fyrir framgang fullrafknúinna bíla mun nýr Prius frá Toyota halda áherslunni á tvinnafl sem hann hefur byggt nafn sitt á. 

Prius, sem hefur verið góður sölubíll fyrir Toyota um allan heim (yfir fimm milljónir eintaka og sífellt seljast fleiri), hefur þróast jafnt og þétt í gegnum árin, en mesta breytingin varð árið 2012 þegar hann tók fyrst upp tengitvinntækni.

 Fráfarandi gerð Prius notar TNGA grunninn og nýja gerðin er með það sem Toyota kallar „aðra kynslóð“ þeirrar hönnunar.

Aflrásin hefur einnig verið endurskoðuð þar sem slagrými bensínvélarinnar stækkar úr 1,8 lítrum í 2,0 lítra fyrir bæði tengitvinnbílinn og hybrid-bílinn. 

Tengitvinn Prius kemur með 220 hö sem gerir ráð fyrir 0-100 km/klst tíma upp á 6,7 sekúndur. Meira um vert fyrir flesta Prius kaupendur, Toyota segir að skilvirkni haldist umfram fyrri gerð.

Drægni hreins rafknúins bíls er um 50 prósent meiri en áður, svo búist er við um 95 km drægni þegar eingöngu er ekið á rafmagninu.

Hvað venjulegu hybrid-gerðina varðar, þá eru tveir aflrásarvalkostir, 2,0 lítra og 1,8 lítra. 2,0 lítra bíllinn kemur með 190 hestöfl og þó Toyota hafi ekki gefið upp tölur um afköst enn þá segir að allar gerðir bjóða upp á „grípandi akstursárangur“.

Að framan er MacPherson fjöðrun og tvöföld klofspyrnufjöðrun að aftan, sem Toyota segir að veiti stöðugleika, viðbragðsflýti og „auðveldar beinan akstur“.

Ólíkt fyrri tengitvinnbílum og hybrid bílum, þá er mjög lítið sem greinir á milli nýju gerðanna tveggja. Heildarhönnunin fær fullt af hönnunaráherslum að láni frá væntanlegum C-HR arftaka og alrafmagnsbílnum bZ3. Framendinn er með C-laga framljósum og vélarhlíf sem rís næstum í takt við framrúðuna til að búa til slétt útlitssnið.

Handfangið á afturhurðinni er falið innan í c-bita og að aftan á tengitvinnbílnum sjáum við „Prius“ letur þvert yfir skottlokið. 

Það er líka „Safety Sense“ fráToyota sem bætist við úrval öryggiskerfa, auk þess er Advanced Park – sem gerir sjálfvirka lagningu og út úr bílastæðum – sem einnig er hægt að fjarstýra í gegnum snjallsímaforrit.

(grein byggð ávef Toyota í Japan og á Auto Express)