Nýr 2021 Peugeot 308 sést á undan opinberri frumsýningu

Nýr 2021 Peugeot 308 sést á undan opinberri frumsýningu

• Þriðja kynslóð Peugeot 308 hlaðbaksins er væntanleg 2021 með úrval af mildri tvinntækni, sem tengitvinnbíll og með rafknúinni drifrás
• Ætlað að keppa við Ford Focus og Volkswagen Golf

Vefur Auto Express á Englandi sýnir okkur njósnamyndir af þriðju kynslóð Peugeot 308 hlaðbak, sem er væntanlegur á næsta ári 2021, þá mun þessi nýi franski fjölskyldubíll bjóða upp á endurnýjaða samkeppni við Ford Focus og áttundu kynslóð Volkswagen Golf.

Auto Express gerir ráð fyrir að nýi Peugeot 308 verði byggður á sama grunni eVMP og væntanleg þriðja kynslóð 3008 crossover. Grunnurinn er mjög endurhönnuð útgáfa af núverandi grunni 308, EMP2-grunninum, sem getur stutt nýja rafknúna drifrás í þróun hjá fyrirtækinu.

Svipað og á við um næstu kynslóð 3008, mun arftaki Peugeot fyrir 308 líklega vera með 48 volta milda blendingstækni, sem tengitvinnbíll og með hreina rafmagnsdrifrás, með rafknúinni e-308 útgáfu til að keppa við Volkswagen ID.3.

PSA hefur þegar staðfest að nýi eVMP-grunnurinn geti stutt rafmagns drifrás með hámarksdrægni um 650 km. Grunnurinn verður einnig fáanlegur með framdrifi eða fjórhjóladrifi og verður boðið upp á úrval rafhlöðupakka, allt að 60kWst og 100kWst.

Kaupendur ættu einnig að hafa úrval af rafdrifum drifrásum til að velja úr. Grunngerðir gætu verið búnar kunnuglegri 134 hestafla framdrifinni drifrás PSA, sem er að finna frá e-208 supermini upp í e-Expert sendibílinn.

Toppgerðin af e-308 mun líklega vera með 335 hestafla rafmagnsdrifrás með fjórhjóladrifi.

Nánari upplýsingar um næstu kynslóð mildra blendinga og tengitvinnbíla er ennþá óstaðfestar. Síðast þegar Peugeot kynnti tengitvinnbílsútgáfu af 308 var það með R HYbrid hugmyndabílnum á bílasýningunni í Frankfurt 2015. Hann var með 1,6 lítra fjögurra strokka bensínvél með túrbó og tvo rafmótora og framleiddu þeir saman 493 hestöfl og togið 730 Nm.

En aflminnkuð útgáfa af sömu drifrás rataði að lokum inn í 3008 sportjeppann og 508 fólksbílinn, svo það er mögulegt að PSA gæti betrumbætt kerfið fyrir nýja 308.

Útfærsla þriðju kynslóðar Peugeot 308 virðist frekar þróun en byltingarkennd. Það deilir sama prófíl og forverinn – en Auto Express gerir ráð fyrir að Peugeot muni bæta við núverandi hönnunaráhrifum, þar á meðal LED-dagljósum, sem og breiðara grilli grill og ljósastiku að aftan í fullri breidd.

Að innan munu kaupendur líklega fá svipaða hönnun og upplýsingakerfi sem í dag er að finna í 208, með þrívíddar stafrænum mælaborðsklasa, 10 tommu upplýsingakerfi, fullt af píanósvörtum útlitsáherslum og röð af rofum fyrir loftslagsstýringu bílsins og loftræstikerfi.

(frétt á vef Auto Express)