Nýi Toyota ‘BZ’ rafknúni sportjeppinn verður kynntur á 2021 Shanghai Motor Show
Fyrsti rafknúni bíll Toyota á nýja e-TNGA grunninum, sem aðeins notar rafhlöður verður afhjúpaður í apríl.
Toyota mun sýna keppinaut Volkswagen ID.4 og Kia e-Niro á bílasýningunni í Shanghai í næsta mánuði. Þetta er nýr, meðalstór og rafknúinn jeppi, sem mun nota nýjan, sérsmíðaðan rafbílagrunn sem kallast e-TNGA.
Toyota staðfesti á síðasta ári tilvist rafbílsins, sem verður nokkurn veginn í sömu stærð og RAV4 fjölskyldusportjeppinn. Varðandi hjólhafið er þó nánast öruggt að það verður lengra en á RAV4, en yfirhang að framan og aftan ætti að vera styttra, með miklu meira innanrými.
En við fáum að vita meira dagana 21. til 28 apríl næstkomandi þegar sýningin í Shanghai fer fram.
Þó að hann verði ekki fyrsti hreini rafbíllinn frá Toyota mun hann marka mikilvæg tímamót í rafvæðingarstefnu fyrirtækisins sem hefur fram að þessum tímapunkti forgangsraðað tvinnbílum og vetnisbifreiðum.
Nýi e-TNGA grunnurinn sem hann mun nota hefur verið þróaður með Subaru, og segir Toyota að hann geri ráð fyrir annað hvort framhjóladrifi, afturhjóladrifi eða fjórhjóladrifi með rafknúinni drifrás og með mismunandi rafhlöðugetu.
Grunnurinn hefur einnig verið hannaður til að styðja við fjölbreytt úrval ökutækja, þar sem aðeins nokkur svæði hönnunarinnar – einkum bilið milli framáss og botn framrúðu – eru föst.
Toyota segir að það rúmi margvíslegar sporvíddir, hjólhaf, lengdir og hæðir, sem ættu að gera vörumerkinu kleift að nota sömu undirstöðu fyrir öll rafknúin ökutæki, einfaldlega með því að breyta yfirbyggingu. Volkswagen hefur þegar notað þessa stefnu með MEB grunni sínum.
Í fyrra sendi Toyota frá sér einfalda hönnunarskissu sem gaf grófa hugmynd um snið bílsins. Sérstakar myndir okkar sýna hvernig línurnar eiga að þýðast í áberandi líkan, ólíkt öllu öðru innan Toyota-sviðsins – líkt og Prius blendingar hafa sína sérstöðu.
Bíllinn virðist einnig hafa verið forsýndur í fjölskyldu-hugmyndaútgáfu sem vörumerkið gaf út sumarið 2019; það var á myndinni við hlið stærri, hefðbundnari jeppa, kantaðri hlaðbaks, lítils crossover og nokkurra fjölnota-fólksbíla en slíkir bílar eru enn vinsælir í Japan.
Subaru mun fylgja eftir kynningu Toyota BZ með hreinu rafknúnu ökutæki, sem byggt verður á sama grunni. Subaru kynnti væntanlegan rafbíl í janúar.
BZ stendur fyrir „Beyond Zero“
Ekkert hefur komið fram um nafn sérsniðna rafbílsins en Toyota hefur varið drjúgum hluta undanfarinna mánaða í að skrá vörumerki byggt á ‘BZ seríunni; allt frá BZ1 til BZ5.
Auto Express segir á vefsíðu sinni að það sé skilningur þeirra að þetta sé fyrir nýja fjölskyldu sjálfstæðra gerða rafbíla og að BZ vísi til „Beyond Zero“, stefnu Toyota sem miðar að núlllosun bifreiða.
Sum vörumerki sem Toyota hefur skráð – þar á meðal BZ4X og BZ5X – gætu verið heiti á fjórhjóladrifnum bílum.
Framkvæmdastjóri Toyota Europe, Matt Harrison (sem verður nýr framkvæmdastjóri vörumerkisins í Evrópu í apríl), sagði við Auto Express á síðasta ári að nýr rafbíll yrði örlítið dýrari en RAV4 varðandi en sagði að viðskiptavinir myndu geta valið á milli tveggja gerða.
(frétt á Auto Express)
Umræður um þessa grein