Nýi Peugeot 308 kemur með valkost tengitvinnbíls til að ögra VW Golf

Nýi Peugeot 308 kemur með valkost tengitvinnbíls til að ögra VW Golf

• Nýjasta kynslóðin er lengri og lægri en núverandi gerð; sala hefst seinni hluta árs 2021

Í samanburði við núverandi 308 er nýi bíllinn 110 mm lengri, hjólhaf hans hefur aukist um 55 mm og hæð hans hefur minnkað um 20 mm.

Peugeot er að rafvæða næstu kynslóð 308-bílsins með tveimur tengitvinndrifrásum, sem bjóða upp á 60 km (37 mílna) rafhlöðu eingöngu til að ögra Volkswagen Golf GTE sem leiðir í flokknum.

Nýi 308 er einnig lengri og lægri en núverandi gerð. Hann er byggður á uppfærðri útgáfu af EMP2 grunninum sem er þróaður af PSA Group (nú hluti af Stellantis) sem er notuð á minni og meðalstórar gerðir frá Citroen, DS Automobiles og Peugeot. Það eru einnig til bensín- og dísilvélar.

Nýi bíllinn mun fara í sölu á seinni hluta ársins.

Peugeot hefur ekki tilkynnt verð, eða hvenær væntanleg útfærsla stationgerðarinnar verður sýnd.

Lengri og lægri

Í samanburði við núverandi 308 er nýi bíllinn 110 mm lengri, hjólhaf hans hefur aukist um 55 mm og hæð hans hefur minnkað um 20 mm.

Það eru tveir valkostir hvað varðar tengitvinnbúnaðinn: 225 hestöfl, með 180 hestafla bensínvél og 81 kílóvatta rafmótor; og 180 hestöfl, með 150 hestafla bensínvél og 81 kW rafmótor.

Peugeot segir að aðeins rafknúið aksturssvið sé 60 km, þar til endanleg WLTP vottun er í höfn.

Peugeot hefur ekki gefið út upplýsingar um losun koltvísýrings, en aðrir tengitvinnblendingar vörumerkisins – 3008 sportjeppinn og 508 meðalstór fólksbíll og stationbíll – eru vottaðir fyrir tæp 50 grömm á km.

Nýja 12,4 kílówatta klukkustundar litíumjónarafhlaðan frá 308 er með tæplega tveggja tíma hleðslutíma með 7,4 kW veggkassa.

Val á hefðbundnum vélum

Meðal annarra valkosta er þriggja strokka, 1,2 lítra bensínvél með 110 hestöflum eða 130 hestöflum og 1,5 lítra, fjögurra strokka dísilvél með 130 hestöflum.

Að innan hefur 308 nýjustu útgáfuna af „I-Cockpit“ frá Peugeot, sem er með lítið stýri sem situr fyrir neðan mælaborðið. Betur búnar útgáfur eru með 3D skjá, sem er hægt að stilla til að forgangsraða viðvörunum eða akstursleiðsögn, til dæmis.

Aðal tækjaklasinn er 10 tommu láréttur skjár og 10 tommu láréttur miðjuskjár er staðalbúnaður.

Tengingaruppfærslur fela í sér möguleikann á að tengja tvo snjallsíma í gegnum Bluetooth í einu og speglun er nú þráðlaus.

Rafmagnið er í sókn í stærðarflokknum

Þátttakendur í þessum stærðarflokki bíla, sem er sá þriðji stærsti í Evrópu á eftir litlum bílum og litlum sportjeppum/“crossover“ eða blendingsbílum sem er ný skilgreining á þessum bílum, eru að rafvæðast á ýmsan hátt til að uppfylla sífellt strangari staðla fyrir losun koltvísýrings.

Golf er fáanlegur með tveimur stigum tengitvinnbúnaðar, 204 hestöfl (e-tvinn) og 245 hestöfl (GTE) sem og 48 volta mildan blending.

Hann er aðeins með 80 km rafmagnssvið á rafhlöðunum.

Aðrir kostir í þessum stærðarflokki eru Ford Focus, með 48 volta mildan tvinnvalkost; Toyota Corolla er fáanlegur sem fullblendingur; og Toyota Prius er fáanlegur sem fullblendingur og sem tengitvinnbíll. Renault Megane er einnig í boði sem tengitvinnbíll.

Annar lykiláskorandi er VW ID3 rafbíllinn, sem seldist í 26.987 eintökum í desember og er þar með næst mest selda gerðin í Evrópu í mánuðinum á eftir Golf, samkvæmt tölum frá JATO Dynamics.

Citroen C4 er síðan einnig fáanlegur með rafknúinni drifrás sem aðeins notar rafhlöður.

Peugeot 308 var í sjötta sæti í sínum hluta markaðarins árið 2020 með 89.644 sölur í Evrópu, samkvæmt JATO Dynamics.

Golf var leiðandi í flokknum, með 283.651 selda bíla árið 2020, sem er 31 prósent samdráttur frá 2019. Það var eftir Skoda Octavia (181.039 seld eintök), Ford Focus (172.565 eintök) og Toyota Corolla (136.911 eintök).

Salan í þessum stærðarflokki var í heild 1.723.367 eintök, sem er 22 prósent samdráttur. Litlir sportjeppar/millistórir náðu aðeins meiri sölu eða 1.725.984 seld eintök árið 2020, sem er 18 prósent samdráttur.

Kia Niro er leiðandi meðal tengitvinnbíla í Evrópu með 17.840 sölur árið 2020, sem er 45 prósent aukning frá 2019, samkvæmt JATO. Golf GTE varð í öðru sæti, með 15.468 sölur (aðeins 985 bílar voru seldir árið 2019, fyrsta árið á markaðnum).

Hyundai Ioniq varð þriðji, með 9.605 sölur. Nýir minni tengitvinnbílar í viðbót árið 2020 eru Seat Leon, Kia Ceed og XCeed, Octavia og Megane.

Nýi 308 bíllinn verður smíðaður í verksmiðju Stellantis í Mulhouse í Austur-Frakklandi.

Bílaframleiðandinn eyddi um 125 milljónum evra í undirbúning fyrir upphaf framleiðslu sem hluta af stærri fjárfestingu í verksmiðjunni, sem einnig smíðar DS 7 Crossback sportjeppann og Peugeot 508 meðalstóra fólksbílinn og stationbílinn. Þessar gerðir eru einnig byggðar á EMP2 grunninum.

Búist er við að 308 fái „systkina gerð“ frá Opel/Vauxhall þegar nýja kynslóð Astra kemur í ljós um mitt þetta ár.

(Automotive News Europe)