Nýja kynslóð Nissan Micra kemur á markað seint árs 2025 – glæsilegur rafbíll byggður á grunni Renault 5
Nissan Micra er mætt á ný – nú í allt öðrum búningi en áður. Þessi sígildi smábíll hefur þróast úr einföldum, ódýrum bensínbíl í nútímalegan og rúmgóðan rafbíl með háþróaða tækni og áætlaða drægni upp á allt að 407 kílómetra (WLTP).
Við fyrstu sýn minnir Micra nokkuð á nýja Renault 5, og er það ekki að ástæðulausu – bíllinn byggir á sömu grunngerð.
Það er þó alls ekki galli, því Renault 5 hefur hlotið lof sem einn besti rafdfrifni smábíllinn á markaðnum. Nissan hefur því unnið út frá traustum grunni við hönnun bíls sem höfðar til kaupenda sem leita að hagkvæmum, vel hönnuðum og umhverfisvænum bíl.
Komutími og verð
Nýja Micran kemur á evrópskan markað í lok árs 2025. Þó verð sé ekki enn staðfest fyrir Bretlandseyjar, er búist við að það verði svipað og á Renault 5 – frá um £25.000 og upp í tæpar £32.000, sem samsvarar um það bil 4,4 til 5,6 milljónum króna miðað við gengi dagsins í dag.
Rafdrif og afköst
Nissan býður upp á tvær útfærslur í upphafi:
- 52 kWh rafhlaða með 152 hestafla mótor sem knýr framhjól.
- Áætluð hröðun úr 0–100 km/klst á um 8 sekúndum.
- 40 kWh rafhlaða með 120 hestafla mótor.
- Hröðun í kringum 9 sekúndur.
Þó Micra sé ekki hönnuð sem kraftmikill sportbíll, skilar hún þó afköstum sem eru góð miðað við flokkinn og stenst samanburð við bíla á borð við Fiat Grande Panda og Citroën e-C3.
Drægni og hleðsla
- 52 kWh útgáfan býður allt að 407 km drægni (WLTP).
- Úti á vegum má þó búast við raunverulegri drægni upp á 290–320 km, þar sem loftmótstaða og orkunotkun spilar stærri rullu.
- 40 kWh útgáfan skilar 309 km drægni, en mun sömuleiðis tapa drægni við aukinn hraða.
Hleðslumöguleikar
- DC hraðhleðsla: allt að 100 kW (52 kWh) / 80 kW (40 kWh).
- AC hleðsla: allt að 11 kW úr heimahleðslustöð
- Hleðsla úr 10% í 80% tekur um 30 mínútur.
- Varmadæla fylgir öllum útgáfum staðalbúin.
Micra verður einnig útbúin með Vehicle-to-Load virkni, sem gerir kleift að nýta orkuna í bílnum til að knýja raftæki.
Ytra útlit og hönnun
Þótt grunnbygging Micra sé sú sama og Renault 5, hefur Nissan lagt mikla áherslu á að gefa bílnum sérstöðu:
- „Gelato Scoop“ línan – löng, íhvolf lína sem nær yfir í gegnum allt boddíið – er eitt helsta stíleinkennið.
- Fremri ljós eru stór, kringlótt og marka gleraugnalegt yfirbragð.
- Grillið hefur verið fellt út – aðeins Nissan-merkið situr í miðjunni, og loftinntak er staðsett neðar.
- Afturendi bílsins minnir reyndar talsvert á Nissan GT-R, með kringlóttum ljósum og skarpri afturrúðu.
- Öll Micrufjölskyldan kemur á 18 tommu felgum, nema grunnútgáfan sem fær stálfelgur.
Innrétting, rými og tæknibúnaður
Innanrýmið minnir að mörgu leyti á Renault 5 og er búið tveimur 10 tommu skjám – upplýsingaskjá og snertiskjá – með einfaldri, en fallegri mælaborðshönnun.
- Efnin í sætum, hurðum og mælaborði eru nútímaleg og flott.
- Stýrið er hannað af Nissan, þó sumir stjórntakkar séu sameiginlegir með Renault.
- Upplýsingakerfið, NissanConnect, byggir á Google Android og inniheldur Google Maps, raddstýringu og samþættingu við Google-reikninga.
- Leitarniðurstöður og vistaðir áfangastaðir eru samstilltir við reikning notanda.
- Ökumannsskjárinn býður upp á margvíslega aðlögun – allt frá öryggisupplýsingum til leiðsagnar og orkunotkunar.
Notagildi og geymslurými
Nissan Micra er tæpir 4 metrar á lengd og því ein sú stærri í flokki smábíla. Skottið tekur 326 lítra, sem er nokkuð nálægt meðaltali í flokknum.
- Niðurfelld sæti gefa 1.106 lítra geymslurými.
- Geymslurými fyrir hleðslukapal er undir skottbotni.
- Kantur niður í skottið er töluvert stór og gerir hleðslu farangurs aðeins erfiðari.
Byggt á grein Autoexpress.
