Passat er væntanlegur á markað 2023 og Volkswagen mun að öllum líkindum hætta við hefðbundna fólksbílinn í Passat-línunni – áherslan verður einkum á hlaðbak og stationgerðir. Nýja B9 kynslóð Volkswagen Passat hefur sést við prófanir við vetraraðstæður nýlega.
Nýr Passat Volkswagen verður frumsýndur árið 2023 og samkvæmt því sem Auto Express segir eru líkur á að hann verði boðinn sem station eða hlaðbakur og VW muni sleppa fólksbílnum. Þar sem markaðsþróun setur sportjeppa í forgang kæmi það ekki á óvart, sérstaklega þar sem Arteon-fólksbíllinn er af svipaðri stærð og situr rétt fyrir ofan Passat. Það er líka þrýstingur að neðan þar sem nýjasti Golf stationbíllinn er stærri en nokkru sinni fyrr svo fjölhæfni og hagkvæmni verður forgangsverkefni nýju gerðinnar.
Þessar nýju njósnamyndir benda til þess að þróunin í hönnun frá núverandi gerð verði með svipaðri línu meðfram hurðarhandföngum, framljósum sem renna inn í grillið og stökum afturljósaklösum frekar en afturljósastikuna sem er á nýju ID.4 og ID.5. Það eru líka rásir við hlið neðra grillsins sem ættu að bæta loftaflsnýtni.
Passat verður smíðaður í Bratislava á MQB-grunni við hlið næstu kynslóðar Skoda Superb. Fjölskyldubíll VW hefur verið fluttur frá hefðbundnu heimili sínu í Emden í Þýskalandi til að rýma fyrir ID.4 sportjeppanum og framleiðsluútgáfum af ID. Vizzion salon og ID. Space Vizzion hugmyndabílunum.
Líklegt er að hjólhaf Passat verði teygt til að samsvara 2,85 metra hjólhafi Superb. Þó að það ætti að skila sér í meira fótarými fyrir farþega í aftursætum, mun aukalengdin einnig fara í að bæta farangursrýmið, skapa nýjan sess fyrir Passat sem hagnýtan kost vörumerkisins sem hvorki tilheyrir flokki jeppa eða atvinnubíla.
Alrafmagns drif mun koma til móts við væntanlega framleiðsluútgáfu ID. Space Vizzion, þannig að Passat geti haldið áfram að mæta þörfum kaupenda sem vilja hefðbundinn aflgjafa.
Dregið hefur úr vinsældum dísilbíla í þessum flokki undanfarin ár, en Passat mun áfram bjóða TDI gerðina. Nýjasta útgáfan af 2.0 TDI vél með forþjöppu VW mun fara undir vélarhlífina, og mun skila á bilinu 148 hö til 197 hö. 4MOTION fjórhjóladrif verður einnig fáanlegt og gæti birst í endurvakinni Alltrack gerð.
Bensíngerðin verður einnig fáanleg og verður mikilvæg brú í átt að auknu framboði tengitvinnbíla, með tveimur valkostum sem gert er ráð fyrir. Grunngerðin af eHybrid bílnummun vera um 200 hestöfl, en líklegt er að enn öflugri GTE gerð komi á markað, með stærri rafhlöðu en 13kWh einingin sem notuð er í núverandi Passat GTE. Það myndi bæta drægnina á rafmagninu til muna, hugsanlega allt að 100 km.
Samhliða stærri pakkanum væri bætt endurhleðslutækni, með færslu úr 3,6kW í 11kW AC hleðslu.
Umræður um þessa grein