Mun GM keppa við Bronco með rafmagns 4×4?
GM er ekki til í keppinaut við Bronco með brunavél, en rafmagn er á borðinu
General Motors (GM) gæti verið með ráð uppi í erminni til að takast á við hinn þekkta Bronco frá Ford, og það er ekki bensínknúinn jeppi.
Þess í stað vísaði Mark Reuss, forseti GM, nýlega til hugmyndarinnar um rafmagns 4×4.
Frá því að Bronco kom aftur á markað árið 2020 hefur Ford fangað athygli torfæruáhugamanna með því að stela athyglinni frá Jeep Wrangler og öðrum bensínknúnum 4×4 gerðum, en það er kannski ekki raunin lengi.
Þrátt fyrir að Ruess hafi sagt við The Drive: „Ég ætla ekki að búa til Bronco,“ skildi hann hurðina eftir í hálfa gátt fyrir rafmagns 4×4.
Reuss taldi upp nokkrar ástæður fyrir því að fyrirtækið myndi ekki elta Ford með Bronco-líkan bíl með bensínvél.
Fyrir það fyrsta vissi hann að GM yrði „seinn í veisluna“ þar sem það getur tekið nokkur ár að komast á markað. Þá mun enginn vilja þann bíl.
Þar sem óskir neytenda halda áfram að snúast í átt að losunarlausum rafbílum hraðar en flestir spáðu, keppast bílaframleiðendur um að ná hlut sínum þar á vaxandi markaði.
Og þróunin mun aðeins halda áfram að aukast, sem gefur ekki ástæðu til að þróa nýtt bensínknúið farartæki á þessum tímapunkti.
GM er nú þegar með nokkra rafjeppa ætlaða á markað í burðarliðnum með 2024 Chevy Blazer og 2024 Equinox gerðum, en enginn með tilgreinda torfærumöguleika (nema við teljum Hummer EV rafbílinn með).
Reyndar eru engir rafknúnir keppinautar við Bronco frá Ford eins og er á markaðnum. Jeep er með áætlanir um rafknúinn Recon, með öllu því sem 4×4 gerðir Jeep bjóða upp á, bara án útblásturs.
Gert er ráð fyrir að Volkswagen muni kynna Scout rafdrifna útgáfu á jeppa, en það gefur samt pláss fyrir rafmagns 4×4 þar sem áhugi á torfærumöguleikum heldur áfram að aukast.
Þegar hann var spurður hvort GM væri að búa til 4×4 með rafhlöðu svaraði Reuss: „Ég sagði það ekki. Með öðrum orðum, ekki vitna í mig með það.
Sýn Electrek á málið
Þrátt fyrir að Reuss hafi ekki staðfest rafmagns 4×4, hafnaði hann því heldur ekki. Þó að það sé óljóst hvort það yrði beinn keppinautur við Bronco frá Ford, virðist það alveg geta verið.
GM er nú þegar með mjög sveigjanlegan sérstakan rafbíla-grunn með Ultium hönnun, sem gerir hann að hentugum möguleika.
Audi er annar bílaframleiðandi sem hefur nýlega gefið í skyn hugmyndina um rafknúna 4×4, þó að hann myndi keppa við Mercedes og Land Rover.
Ef GM myndi kynna rafmagns 4×4, væri það líklega ekki fyrr en í nokkur ár, þar sem nokkrir mjög vænlegir bílar bíða væntanlegrar kynningar á þessu ári og því næsta.
Og Electrek spyr: Hvað finnst ykkur? Ætti GM að fara að keppa við Bronco með rafmagns 4×4? Þeir ætla að uppfæra okkur þegar þeir heyra meira.
(frétt á vef Electrec)
