- Nissan nær 1 milljón rafbílasölu 12 árum eftir að LEAF kom á markað
Eftir að hafa sett á markað LEAF rafbílinn í desember 2010 tilkynnti Nissan á þriðjudag að fyrirtækið hafi loksins farið yfir 1 milljón í rafbílasölu á heimsvísu.
Meira en 650.000 Nissan LEAF gerðir hafa selst síðan bíllinn kom á markað fyrir rúmum 12 árum. Í mörg ár var LEAF mest seldi rafbíllinn og litið var á Nissan sem brautryðjanda á rafbílamarkaði.
Hraðspólum fram um liðlega áratug og nokkrar breytingar, og iðnaðurinn hefur gjörsamlega snúið við. Næstum sérhver stór bílaframleiðandi hefur eða ætlar að koma fram með sinn eigin rafbíl. Margir eru nú þegar að vinna að annarri eða þriðju kynslóð rafbíla.
LEAF var áfram söluhæsti rafbíllinn (samanlagt) með ágætis drægni og þægilegt innanrými þar til Tesla Model 3 fór á toppinn snemma árs 2020.
Model 3 afhending hófst seint á árinu 2017 og varð mest seldi rafbíllinn 2018 og 2019 áður en sú gerð fór loksins fram úr LEAF snemma árs 2022.
Á sama tíma hefur Nissan mistekist að uppfæra þennan litla rafbíl þar sem salan heldur áfram að minnka. Nissan tilkynnti aftur að 2024 árgerð LEAF myndi vera með gamaldags CHAdeMO hleðslu, sem hefði átt að skipta út fyrir mörgum árum.
Nissan LEAF 2024 (Mynd: Nissan).
Með fullkomnari ökutækjum með lengri drægni á markaðnum hefur LEAF misst taktinn þegar kaupendur leita á ný mið.
Nissan tilkynnti að það hafi náð 1 milljón alþjóðlegum sölu á rafbílum á þriðjudaginn eftir að hafa sett á markað sinn fyrsta fjöldamarkaðsbíl fyrir meira en 12 árum síðan.
Til samanburðar hefur Tesla þegar afhent 888.000 ökutæki á fyrri hluta ársins 2023 þar sem það vinnur að því að ná 1,8 milljón rafbílaafhendingum á þessu ári einu saman.
Nissan Ariya rafmagns sportjeppi (Mynd: Nissan)
Næsti kafli
Eftir meira en áratug (og nokkrar tafir) kom Nissan loksins fram með annan alrafmagnaðan bíl sinn á heimsvísu og fyrsta rafmagnsjeppann, Nissan Ariya.
Þrátt fyrir að hann hafi átt að koma í sýningarsali þegar á árinu 2021, hófst sala á Ariya loksins í Bandaríkjunum seint á árinu 2022.
Á fyrri hluta ársins er rafmagnsjeppinn frá Nisan þegar farinn að seljast betur en LEAF í Bandaríkjunum. Sala Ariya hefur numið 5.195 bílum í Bandaríkjunum en 4.234 LEAF gerðir hafa selst.
Nissan Ariya rafmagns sportjeppi (Mynd: Nissan).
Byrjar á $43.190, 2023 Ariya (63 kWst) byrjar á verði sem er 43.190 dollarar í Bandaríkjunum (ISK 5.694.170) býður upp á allt að 347 km drægni. Þú getur líka valið um stærri 87 kWh rafhlöðu fyrir allt að 489 km drægni fyrir upphafskostnaðarverð upp á 47.190 dollara á Bandaríkjmarkaði eða sem nemur ISK 6.221.530.
Til að auka sölu og ýta undir vinsældir í Bandaríkjunum var Nissan fyrsti japanski bílaframleiðandinn til að taka upp NACS tengi Tesla, sem veitti rafbílakaupendum aðgang að Supercharger neti Tesla.
Samkvæmt framleiðsluáætlun Nissan (í gegnum Automotive News), mun bílaframleiðandinn byrja að smíða par af rafknúnum fólksbílum í Canton, MS, verksmiðju sinni frá og með 2026. Nokkrir rafknúnir crossoverar munu fylgja þeim á næstu tveimur árum.
Nissan Sakura mini EV (Mynd: Nissan)
Nissan setti einnig á markað fyrsta lítill rafbíl í Japan, Sakura. Bílaframleiðandinn telur að Sakura „muni breyta stöðunni á japanska markaðinn og gera rafbíla mun aðgengilegri fyrir viðskiptavini í Japan.
Sakura byrjar á 2.333.100 jen (u.þ.b. 2.176.000 ISK)), sem býður upp á allt að 180 km drægni samkvæmt WLTC í Japan. Nissan segir að að þessi „mini“ rafbíll hafi þegar safnað yfir 50.000 pöntunum í Japan.
Sem hluti af „Nissan Ambition 2030“ stefnu sinni, ætlar Nissan að setja á markað 19 rafbílagerðir fyrir árið 2030. Bílaframleiðandinn stefnir einnig að því að setja á markað rafbíla með „solid-state“ rafhlöðum sem þróaðar eru innanhúss árið 2028 sem geta haldið tvöfaldri orku miðað við núverandi litíumjónarafhlöður.
Framtíðarsýn Nissan árið 2010 var að takast á við þéttbýlismyndun og iðnaðarþróun með því að smíða bíl sem losar engan koltvísýring en er samt mjög skemmtilegur í akstri. Fyrsta kynslóð LEAF var með öflugri hröðun og meðhöndlun sem skilaði mjúkum akstri. Einstakir eiginleikar gerðu ökumönnum kleift að nota farsíma sína til að athuga rafhlöðustig bílsins eða stjórna loftræstingu með fjarstýringu. 24 kílóvattstunda litíumjónarafhlaða knúði fyrstu gerð. Fullhlaðinn Leaf var með drægi upp á um 200 kílómetra.
(Byggt á frétt á vef electrekí Bandaríkjunum)
Umræður um þessa grein