Miklar breytingar sagðar verða á nýjum 2024 Hyundai Santa Fe
Hyundai og systurfyrirtækið Kia eyða miklum peningum í rafbílana sína þessa dagana að sögn Auto Expreee, en bílar með brunahreyfla eru greinilega enn mikilvægir fyrir kóresku vörumerkin því Hyundai er með næstu kynslóð Santa Fe sportjeppans síns í þróun.
Sjö sæta sportjeppinn ætti að snúa aftur árið 2024, en full afhjúpun gæti hugsanlega gerst síðar á þessu ári.
Nýjustu njósnamyndirnar af bílnum sýna að nýi bíllinn verður örugglega ein af stærri gerðum Hyundai, sem virkar sem valkostur við nýja alrafmagnaða Ioniq 7 sportjeppann.
Þrátt fyrir mikkla feluliti má sjá að heildarlögun Santa Fe verður mun kantaðri og meira kassalaga en bíllinn sem er á útleið. Ekki er búist við að bíllinn verði með svipað hönnunarþema og Ioniq 5, en hann mun hafa frekar sléttan framenda.
Það er stórt yfirhang að aftan frá afturöxli, sem gerir ráð fyrir þriðju sætaröðinni sem gerir hann að sjö sæta jeppa.
Að aftan getum við líka séð útblástur með einu opi.
Andlitslyfting Hyundai á núverandi fjórðu kynslóð Santa Fe árið 2021 fól í sér að nýr grunnur var notaður, sem gerir hann breiðari, hærri og lengri en áður.
Nýi N3 grunnurinn gerði einnig mögulegt að bæta tvinn- og tengitvinnútgáfum við framboðið.
Auto Express gerir ráð fyrir að nýja fimmta kynslóð Santa Fe haldi sama N3 grunni, þar sem núverandi vélar gætu hugsanlega fengið lagfæringar til að verða skilvirkari.
Enginn hreinn rafknúinn Santa Fe verður framleiddur, en Ioniq 7 mun taka við hlutverki fjölskylduvæns, alrafmagnaðs stórs sportjeppa í Hyundai línunni.
Innréttingin mun líklega fá tæknina að láni frá nýja Ioniq 6.
Væntanlega verða tveir 12 tommu skjáir við hlið hvors annars á mælaborðinu og, eins og væntanleg Kona hefur sýnt, mun hrein og minimalísk hönnun rafbíla Hyundai í heildina verða til staðar hér.
(Byggt á grein á vef Auto Express)
