Mercedes EQE sportjeppinn mun keppa við BMW iX
EQE sportjeppinn sem var frumsýndur í París gefur Mercedes gerð til að keppa við BMW iX, og aðrar rafknúnar gerðir eins og Volvo EX90
PARIS – Mercedes-Benz heldur áfram að stækka rafbílaframboð sitt með EQE sportjeppanum sem mun keppa við BMW iX sem er nú þegar á meðal fimm mest seldu bíla í stórum úrvals jeppum í Evrópu.
Mercedes kynnti EQE sportjeppann á sunnudaginn í París – en rafbíllinn verður ekki sýndur þessa vikuna á bílasýningunni í París.
EQE sportjeppinn verður með 90 kílóvattstunda rafhlöðu með hámarksdrægi upp á 590 km samkvæmt WLTP kvarðanum.
Afköst eru 215 eða 300 kílóvött. Til samanburðar er drægni EQE fólksbílaútgáfunnar allt að 640 km.
Forstjóri Mercedes-Benz, Ola Kallenius, sagði að EQE sportjeppinn myndi gefa vörumerkinu „fullkomnustu línu“ rafbíla í framleiðslu meðal allra bílaframleiðenda.
„Viðskiptavinir okkar fara hratt og við erum að fylgja þeim,“ sagði hann í París á sunnudaginn.
Kallenius sagði að sala Mercedes á rafbílum á heimsvísu hafi aukist um 115 prósent á þriðja ársfjórðungi miðað við sama tímabil í fyrra.
Mercedes lýsir EQE jepplingnum sem „dýnamískari“ en stærri en EQS jepplinginn og það er lykilmunur jafnvel á EQE fólksbílnum. Jeppplingsútgáfan er 4863 mm löng, 77 mm styttri en fólksbíllinn og 3030 mm hjólhaf hans er 90 mm styttra, sem Mercedes segir að finnist í bílnum því hann sé sérlega lipur.
Valfrjálsar uppfærslur á fjöðrunarbúnaði fela í sér loftfjöðrun sem getur bætt við 30 mm hæð og afturhjólastýri með hámarkshorni upp á 10 gráður, sem minnkar beygjuradíus í 10,5 metra úr 12,3.
EQE jepplingurinn verður fyrst aðeins fáanlegur með afturhjóladrifi, en síðar verða 4Matic útgáfur með rafmótor sem knýr framhjólin, sem er aftengdur sjálfkrafa þegar þess er ekki þörf til að auka drægni.
Gerðartilnefningar eru 350+ fyrir grunngerð afturhjóladrifs með 215 kW, 350 4Matic með AWD og 215 kW, og 500 4Matic með AWD og 300 kW.
Í boði verða tvær AMG-útgáfur, báðar með fjórhjóladrifi. AMG EQE 43 er með 350 kW afl og hröðun úr 0-100 km/klst (62 mph) á 4,3 sekúndum. AMG EQE 53, með 505 kW, styttir þann tíma niður í 3,5 sekúndur.
Framleiðsla hefst í desember
EQE jeppinn mun fara í framleiðslu í desember í verksmiðju Mercedes í Vance, Alabama, á eftir stærri EQS jeppanum sem fór í framleiðslu í ágúst. Báðir rafbílarnir verða fluttir út til Evrópu frá Bandaríkjunum. Verksmiðjan mun einnig halda áfram að smíða bensínknúnar sambærilegar gerðir, GLS og GLE. Rafhlöður verða settar saman í Bibb County, verksmiðju Mercedes í nágrenninu.
Mercedes hefur ekki gefið upp verð en BMW iX byrjar á 77.300 evrum í Þýskalandi.
EQE og EQS fólksbílarnir og jepparnir eru byggðir á EVA2 grunni Mercedes, fyrir hágæða rafmagnsgerðir. Aðrir EQ-merktir bílar – EQA, EQB og EQC crossover-bílarnir – eru byggðir á núverandi gerðum bíla Mercedes með brennsluvélar.
EQE jeppinn verður nýjasti þátttakandinn meðal fullrafknúinna bíla í flokki stórra sportjeppa og crossover-bíla, sem BMW og Mercedes keppast um að selja. Fram í ágúst var BMW X5, með 30.344 eintaka sölu þó í ágúst, tæplega á undan Mercedes GLE, með 29.415 eintök. Volvo XC90 var í þriðja sæti með 17.900 eintök í sölu (sjá töflu, aftast í fréttinni).
Það mun geraMercedes fullan rafknúinn þátttakanda til að keppa við BMW iX, í fjórða sæti með 12.181 eintaka sölu.
Tvær rafknúnar gerðir frá Geely vörumerkjum, Volvo EX90 og systkinagerðin Polestar 3, munu bætast í flokkinn árið 2023. Von er á full rafknúnum Range Rover árið 2024, eins og Maserati Grecale Folgore.
„Ofur analogue“ mælaborð
Innrétting EQE jeppans er svipuð innréttingu EQE fólksbílsins, með það sem Mercedes kallar ofur mælaborðsþema með stafrænum framsetningum á hringlaga mælitækjum.
Hyperscreen valkosturinn hefur þrjá aðskilda stafræna skjái sem virðast renna óaðfinnanlega saman þvert á breidd mælaborðsins, þar á meðal mælaborðið, miðlæga snertiskjáinn og annan fyrir farþega í framsæti. Í Evrópu og sumum öðrum löndum er farþega í framsæti leyft að horfa á skemmtiefni á þeim skjá, en það er ekki sýnilegt ökumanni.
„Fljótandi“ miðjustokkur á milli framsætanna er með opna geymslu.
Alhliða akstursaðstoðartækni á stigi 2+ er fáanleg, með athyglisverðri nýrri valfrjálsri viðbót sem skynjar þverumferð á gatnamótum og hindrar bílinn að bíllinn taki af stað án þess að til þess sé ætlast. Hægt er að slökkva á eiginleikanum með því að ýta alveg á orkugjöfina.
(grein á Automotive News Europe – myndir: Mercedes)
