Mazda kynnir CX-90 á Bandaríkjamarkaði

Mazda kynnir CX-90 á Bandaríkjamarkaði

2024 Mazda CX-90 þriggja sætaraða jeppi sýndur, með vali á 6 strokka línuvél eða PHEV

Hann er stærri, öflugri og skilvirkari en CX-9 sem hann mun leysa af hólmi

Fyrsti bíll Mazda sem notar nýjan afturdrifna grunninn, úrval tengitvinnvéla og sex strokka línuvéla er CX-60 jepplingurinn, svipaður þeim sem Brimborg er að selja hér á landi í dag. En þessi bíll kemur ekki til Ameríku, segir Autoblog vefurinn. Fyrir Bandaríkjamarkað er bílaframleiðandinn að koma með þriggja sætaraða 2024 Mazda CX-90. Og miðað við CX-9 sem hann leysir í raun af hólmi er nýr Mazda CX-90 stærri, kraftmeiri, skilvirkari og íburðarmeiri, bætir Autoblog við.

Kemur ekki til Íslands – en við fáum CX-80 í staðinn

Samkvæmt vef Mazda Motor Corporation í Japan hefur fyrirtækið tilkynnt áform um að stækka úrval jeppa frá 2022 og áfram.

Tvær nýjar gerðir úr stærri bílum fyrirtækisins, Mazda CX-60 og Mazda CX-80, verða kynntar um alla Evrópu á næstu tveimur árum.

Til að mæta vaxandi þörfum þessa stærðarflokks mun Mazda bjóða evrópskum viðskiptavinum meira úrval af jeppum sem sameina nýjustu umhverfisframmistöðu og akstursánægju sem felst í hverri Mazda.

Á sama tíma verða nýjar CX-70 og CX-90 breiðar gerðir, og CX-50 úr minni gerð af grunni, settar á markað í Bandaríkjunum og nokkrum öðrum mörkuðum utan Evrópu.

Brimborg er þegar að bjóða upp á CX-60 PHEV hér á landi – og við slógum á þráðinn til Egils Jóhannssonar forstjóra Brimborgar, til að forvitnast um okkar útgáfu af CX-90.

„Að því er við vitum best, verða bílanir sem við fáum mjög svipaðir og bílarnir sem Mazda hefur valið að nefna CX-70 og CX-90 í Bandaríkjunum.

CX-60 bíllinn er því svipaður CX-70 á Bandaríkjamarkaði, og væntanlegur CX-80 sem kemur á okkar markaðssvæði er því svipaður CX-90 bílnum sem var verið að frumsýna í Bandaríkjunum“, segir Egill.

Kemur væntanlega hingað vorið 2024

Í framhaldi af samtali okkar fékk Brimborg þær fréttir frá Mazda í Japan að CX-80 bíllinn muni væntanlega ekki koma á markað hér á landi fyrr en á vormánuðum næsta árs, 2024, en áður höfðu menn vonast til þess að hann komi hingað á seinni hluta þessa árs.

Munu skapa jákvæðan vöxt

Á vefsíðu Mazda í japan segir að „Nýju evrópsku gerðirnar, Mazda CX-60 og Mazda CX-80, munu skapa jákvæðan vöxt í viðskiptum til langs tíma.

Með því að nýta til fulls þróunar- og framleiðslustefnu fyrirtækisins, sem felur í sér Skyactiv tækni, samsetta skipulagningu og sveigjanlega framleiðslu, mun Mazda stækka jeppalínuna sína með því að nota nýjustu tækni“.

En við skulum skoða aðeins hvernig Autoblog líst á þennan nýja bíl frá Mazda:

Þrátt fyrir að hann sé lengri og breiðari en tveggja sætaraða CX-60, lítur CX-90 mjög svipað út, að minnsta kosti frá A-bitanum fram á við.

Nefið er langt, með framhjólin langt fram á við. Þetta er auðvitað til að búa til pláss fyrir vélarnar sem eru á lengdina.

Framendinn er enn dálítið lítið áberandi, hugsanlega vegna þess að hönnun Mazda hefur verið aðlöguð að talsvert öðruvísi útliti á framenda.

Frá A-bitanum og aftur sést alveg að það er meiri lengd en það kemur ágætu jafnvægi á framendann.

Útlitið á hliðarrúðum er líka frábrugðið smærri systkinum, þar sem grunnlína glugga helst bein í stað þess að sveigjast upp að aftan.

Þetta heldur líka bitunum að aftan mjórri og hjálpar líklega við yfirsýn aftur úr bílnum.

Og eins og allar aðrar núverandi gerðir Mazda eru yfirborð slétt og beint, en fer eftir útfærslustigi, yfirbyggingin getur verið með svörtu plasti eða samlituð.

Það er líka nóg af krómskreytingum, sem hönnuður CX-90 segja ætlað að undirstrika „glæsilegan stíl“.

Autoblog segir að það geri hann svolítið „stolinn“, sérstaklega miðað við CX-50 og aðra nýjustu hönnun Mazda.

Mælaborðið og upplýsinga- og afþreyingarhönnunin er næstum eins og í minni CX-60, og byggir vissulega á hönnun CX-50, með lágri, breiðri hönnun.

Innrétting á milligerðar bíl sem Autoblog sá í CX-90 í Malibu í Kaliforníu, var með svipaða efnismeðferð og CX-50, með svartri áferð á mælaborðinu og hurðum með appelsínugulum saumum.

Aftur á móti er CX-90, sem er á myndinni hér að ofan, með flottu og áberandi gráu efni á mælaborði og hurðum sem einkennist af einstökum saumum sem eru innblásnir af hefðbundnum japönskum vefnaði.

Mælar á mælaborði eru allir stafrænir og nýr 12,3 tommu skjár keyrir nýjasta tækniviðmót Mazda, sem einnig er að finna í CX-50, sem notar stjórnborðsstýringu fyrir allar aðgerðir nema Apple CarPlay og Android Auto.

Þeir opna á það að skjárinn virki sem snertiskjár.

Þegar við skoðuðum jeppann komumst við líka að því að farþegarýmið var frekar rúmgott og það sem skiptir máli fyrir þriggja raða farartæki, þá eru aftari sætin meira aðgengileg en CX-9 sem er á útleið. Bíllinn er með ágætis fótarými og miklu meira höfuðrými, segir Autoblog.

Tvær aflrásir í boði

En auðvitað eru hlutirnir „undir húddinu“ stærstu fréttirnar.

Tvær aflrásir eru í boði, tengitvinnbíll sem parar 2,5 lítra fjögurra strokka við rafmótor, 3,3 lítra sex strokka túrbó og 3,3 lítra sex strokka – með mun minni 48 volta, mild-hybrid aðstoðarmótor.

PHEV fjögurra strokka er 323 hestöfl og með 500 Nm tog, en sex strokka gerir 340 hestöfl og 500 Nm.

Báðar vélarnar eru paraðar við átta gíra sjálfskiptingu sem notar kúplingspakka í stað átaksbreytis.

Autoblog segist fá að vita meira þegar þeir fá að keyra CX-90 í mars, en skiptingin var samt hönnuð innanhúss samkvæmt Drive frá Ástralíu.

Fjórhjóladrif er staðalbúnaður.

Mazda gaf ekki upp sérstakar tölur um sparneytni (enn í skoðun), en það leiddi í ljós að sex strokka vélin mun skila sér betur en núverandi CX-9, þrátt fyrir að CX-9 sé með fjögurra strokka og sé aðeins 250 hestöfl.

Og tengitvinnbíllinn ætti að gera enn betur. Hann er með 17,8 kWh rafhlöðupakka, rétt eins og í Mazda MX-30 R-EV.

Gera má ráð fyrir einhvers staðar á milli 32 og 65 km drægni, miðað við hvað aðrir jeppar af svipaðri stærð og rafhlöðugetu geta ráðið við.

Auk aukinnar skilvirkni fær CX-90 betri dráttargetu. Og að þessu sinni upplýsti Mazda hversu mikið. CX-90 getur dregið allt að 2.268 kg. Það er 680 kg aukning frá CX-9 og setur CX-90 í samanburði við aðra þriggja sætaraða jeppa.

Auk þess hefur Mazda kynnt nýja fjöðrun með nýju aflrásarskipulagi. Fjöðrunin er sjálfstæð allan hringinn með tvöföldum klofspyrnum að framan og fjölliða fjöðrun að aftan.

Til að auðvelda meðhöndlunina enn frekar er Mazda að innleiða „Kinematic Posture Control“ (eða „hreyfifræðilega stöðugleikastýringu“) eins og Mazda notar á núverandi Miata, en í grundvallaratriðum beitir þessi búnaður snertingu af markvissri hemlun til að hjálpa til við að halda veltihreyfingu yfirbyggingarinnar í skefjum.

CX-90 fer í sölu í Bandaríkjunum í vor. Verðlagning hefur ekki verið tilkynnt, en búast má við því að það væri svipað og hugsanlega meira en CX-9.

Til viðmiðunar byrjar CX-9 á rétt um 40.000 dollara (um 5,6 millj. ISK).

(byggt á grein á vef Autoblog og upplýsingum frá Brimborg)