Maserati er með eitthvað nýtt á prjónunum
Nýr “sportari” sást í Modena
„Ofursportbílar“ eru fáséðir hér á landi, en það er stundum gaman að skoða hvað er að gerast á þessum vígstöðvum. Þetta á líka við um sportbílaframleiðandann Maserati, og á dögunum sást til nýs bíls frá þeim, að vísu í felulitunum, en eitthvað nýtt á ferðinni samt!
En að þessu sinni var það markaðsdeild framleiðandans sem „lak“ myndunum, en hér er greinilega eitthvað nýtt á ferðinni. Þessi bíll er frábrugðinn öðru sem þeir hafa verið að sýna og framleiða.
Þetta hefur vakið athygli þeirra sem skrifa á vefsíður um bíla. Þessi bíll í felulitum sýnir mikla breytingu frá vörumerkinu og lítur út eins og bland af 4C Alfa Romeo og Noble M400, svo vitnað sé í eina vefsíðuna. Reikna má með að bíllinn deili miklu af erfðaefni Alfa Romeo, þar sem það hefur verið háttur Fiat Chrysler um skeið. Maserati fullyrðir að vélin (að minnsta kosti) verði algerlega ný og algjörlega einstök fyrir vörumerkið.
Bara umbúðir utan um nýja vél?
Hugsanlega getum við sleppt því að velta yfirbyggingunni mikið fyrir okkur, og þó!. Maserati sagði aðeins að ökutækið væri notað til að hjálpa til við að prófa nýju vélina, en opinbera frumsýningin hefur þegar verið áætluð í maí 2020, sem bendir til að þetta gæti verið skelin sem þeir ætla að nota.
Það lítur vissulega út eins og mjög breyttur Alfa Romeo 4C – sem er eitthvað sem vörumerkið hefur íhugað að þróa í fortíðinni.
En það má giska á að þetta sé bara farartæki með einhvern grundvöll í raunveruleikanum. Maserati þarf samt að „fínstilla og þróa frumgerðir með lokayfirbyggingu og vélfræði“ eins og segir á vefsíðum, en það virðist ólíklegt að þeir séu að setja ytra byrðið í jafn mikla feluliti eins og á þessum myndum ef það væri ekki til marks um eitthvað meira.
Þótt fyrirtækið hafi lýst yfir áhuga á að bæta rafdrifnum bílum í hópinn fyrir árið 2022, þá hefur það einnig verið nokkuð ljóst að þar á bæ vilja menn áfram vera skuldbundndir hefðbundnum brunavélum. Maserati tók einnig fram að drifrásin muni þjóna sem „fyrirrennari nýrrar fjölskyldu véla“, sem eru þróaðar í innan fyrirtækisins. Vél þýðir að eldsneyti er notað áfram, þannig að líklegt er að þetta sé tvinnbíll eða með bensínmótor. – Við munum vita meira eftir sex mánuði.
[Myndir: Maserati]
