Markaðshlutdeild lítilla sportjeppa í Evrópu

Markaðshlutdeild lítilla sportjeppa í Evrópu mun koma hratt til baka eftir kreppuna vegna kórónavírus

Frumsýningar á litlum sportjeppum munu halda áfram að aukast umfram aðrar gerðir í Evrópu þar sem framleiðendur sjá nú fram á meiri eftirspurn í þeim flokki sem hingað til hefur ekki vakið mikinn áhuga hjá stærri bílaframleiðendunum, segir í nýlegri frétt frá Automotive News Europe.

Nýlega var bætt við gerðum eins og Ford Puma og endurhönnuðum Nissan Juke, og fljótlega munu Toyota Yaris Cross og önnur kynslóð Opel / Vauxhall Mokka fylgja í kjölfarið á næsta ári. Þessi kvartett nýrra bíla mun auka fjöldann í þessum stærðarflokki í meira en 20 gerðir, aukning úr sex fyrir áratug síðan, samkvæmt gögnum frá markaðsrannsóknarfyrirtækinu JATO Dynamics.

Mest seldu litlu sportjeppar Evrópu á fyrsta ársfjórðungi 2020; breyting frá janúar-mars 2019

1. VW T-Roc 40.098 -32%

2. Renault Captur 34.426 -40%

3. VW T-Cross 31.747 nýr

4. Dacia Duster 28,162 -50%

5. Hyundai Kona 27.223 + 1%

6. Opel Crossland X 26.474 -18%

7. Peugeot 2008 25.019 -46%

8. Seat Arona 24.836 -6%

9. Citroen C3 Aircross 21.930 -37%

10. Ford Puma 18.629 nýr

(Heimild: JATO Dynamics)

Með meira en 2 milljónum seldar bíla náðu litlir sportjeppar að verða þriðji stærsti hluti seldra bíla í Evrópu í heildina. Litlu sportjeppa vantaði innan við 40.000 selda bíla til að ná öðru sætinu af minni fólksbílum í Evrópu. Hlutur smábíla var áfram stærstur í Evrópu með 2,68 milljónir seldra bíla, samkvæmt JATO Dynamics, en eftirspurn minnkaði 5,4 prósent þegar viðskiptavinir færðu sig yfir til sambærilegra sportjeppa.

„Litlir sportjeppar eru smátt og smátt að taka yfir í stað smábíla sem mikilvægasta hluti markaðar Evrópu,“ sagði Felipe Munoz, sérfræðingur hjá JATO Dynamics. „Bílaframleiðendur geta þénað meiri peninga en frá venjulegum litlum hlaðbak“.

T-Roc tekur forystuna

Volkswagen T-Roc komst á toppinn í þessum flokki fyrstu þrjá mánuðina 2020, en miklar breytingr hafa orðið í ýmsum löndum vegna lokana í kjölfar kórónaveirufaraldursins.

Minni og nýrri T-Cross VW er í þriðja sæti.

Velgengni VW leiddi til þess að Renault Group fell niður um sæti, þegar Captur, féll úr fyrsta sæti í annað sætið og Duster frá systurvörumerkinu Dacia féll niður um tvö sæti í nr. 4.

Í fimmta sæti var Hyundai Kona sem jók söluna raunar um 1 prósent á fjórðungnum þrátt fyrir hrun í sölu í mars.

Vinsældir þessa flokks munu hjálpa til við að ná sér hraðar eftir mikla minnkun í sölu af völdum kórónaveirunnar, telur greiningarfyrirtækið LMC Automotive.

Sala á minni sportjeppum mun fara niður í 1.745.000 bíla á þessu ári en fara aftur í yfir meira en 2 milljónir á næsta ári og hækka síðan í 2,5 milljónir árið 2022 og 2,7 milljónir árið 2025, spáir LMC. „Spáin um bata og vöxt atvinnulífsins er athyglisverð í ljósi þess að breiðari evrópska spá okkar nær sér ekki svipaða sölu og árið 2019 fyrr en árið 2023,“ sagði Sammy Chan, yfirgreinandi hjá LMC.

Aukning vegna rafbíla

Vaxandi stærð þessa flokks svo og mikilvægi hans fyrir svo marga bílaframleiðendur hefur neytt þá til að rafvæða gerðir eða hætta á að markmið vegna CO2 sem tóku gildi á þessu ári náist ekki.

Með sölu á 5.933 bílum á fyrsta ársfjórðungi var rafbíllinn Kona leiðandi, sem Hyundai býður einnig upp á sem tvinnbíl, bensín og dísil.

Í öðru sæti á eftir rafdrifna Kona EV var hinn rafhlöðudrifni MG ZS, sem náði að seljast í 2.177 eintökum, aðallega í Bretlandi.

Þessar gerðir munu fá mikla samkeppni frá Peugeot, DS og Opel / Vauxhall vörumerkjum PSA Group. Áður en markaðir lokuðust vega veirunnar í mars hóf Peugeot sölu á e-2008 og DS3 Crossback E-Tense, einum af fáum lúxusgerðum í greininni. Opel hefur staðfest að þeir muni setja af stað rafútgáfu af nýja Mokka, sem kemur í stað gerðarinnar sem þeir hættu með á síðasta ári. Með endurkomu Mokka mun Opel enn og aftur eiga tvo keppendur í greininni ásamt Crossland X.

Hlutur rafbíla sem eingöngu nota rafhlöður í þessum flokki mun ná næstum 4 prósentum á þessu ári og hækka úr 2,5 prósentum á fyrsta ársfjórðungi, spáir LMC Automotive. Árið 2023 verður sá hluti um 10 prósent, áður en hann fer upp í 17 prósent árið 2025, að sögn LMC.

Ítölsk ástríða

Helstu markaðir fyrir sölu á litlum sportjeppum sölu á fyrsta ársfjórðungi 2020; breyting frá janúar-mars 2019

1. Ítalía 77.186 -29%

2. Þýskaland 71.982 -17%

3. Frakkland 64.443 -36%

4. Bretland 62.657 -30%

5. Spánn 41.502 -30%

(Heimild: JATO Dynamics)

Hybrid aldrifslausn

Önnur tilraun Toyota í þessum flokki, eftir að Urban Cruiser náði ekki velgegni, verður annar litli jeppinn sem býður upp á fullkominn blendingútgáfu (hybrid) drifrásar á eftir Kona.

Yaris Cross mun nota hybridkerfi Yaris af nýju kynslóðinni, sem byggir á um 1,5 lítra þriggja strokka bensínvél og lofar CO2 losun undir 120 grömmum á kílómetra samkvæmt WLTP mælingu.

Toyota mun einnig bjóða upp á afbrigði af Yaris Cross sem er með annan mótor sem knýr afturhjólin til að búa til fjórhjóladrif án þess að skaða eldsneytiseyðslu. Bílaframleiðandinn telur að þessi aðgerð muni gefa Yaris krossinn sérstöðu gagnvart núverandi samkeppnisbílum í flokknum.

„Öll drifkerfin sem notuð eru hingað til munu venjulega skerða eldsneytisnýtingu og auka aukið CO2 losun,“ sagði Yasunori Suezawa yfirverkfræðingur Yaris Cross í vídeóráðstefnu. „En í bílnum okkar bætir hybridkerfið ekki aðeins eldsneytisnýtingu heldur veitir það einnig betri afköst“.

Markaðurinn fyrir litla sportjeppa er enn lítilll sem hingað til og svarar aðeins 6 prósent af sölu fyrstu þrjá mánuði ársins, að sögn JATO.

Þrátt fyrir þátttöku Toyota og Hyundai öðlast fullar hybrid-gerðir ekki mikla hlutdeild í flokknum, samkvæmt áætlun. LMC spáir því að blendingar (hybrid) muni eiga 5 prósenta hlut í þessum flokki árið 2022 og 6 prósent árið 2025.

Einnig er búist við að tengitvinnbílar muni hafi takmarkaðan sess í flokknum vegna mikils kostnaðar við tæknina, sagði LMC. Enn sem komið er hefur aðeins Renault tilkynnt að hann muni bæta við tengitvinnútgáfu af Captur.

Aukning í sölu rafbíla

Markaðshlutdeild eftir afltegundum fyrir litla sportjeppa í Evrópu á fyrsta ársfjórðungi 2020

1. Bensín 72%

2. Diesel 18%

3. Hybrid 3,4%

4. Heils rafmagns 2,5%

5. Plug-in hybrid 0,8%

(Heimild: JATO Dynamics)

Mildir hybrid munu eiga leikinn

LMC er markvissari varðandi framtíð 48 volta mildra blendinga (hybrid) í þessum flokki þar sem þeir spá að fjórðungur allra nýrra minni sportjeppa sem seldir eru árið 2025 muni hafa tæknina.

Ford sér „mjög háar“ pantanatölur á vægu blendingsútgáfunni af nýju Puma, sagði Stuart Rowley, forseti Evrópu, við Automotive News Europe í mars. „Við höfum komið inn á markaðinn sem hybrid og við erum að sjá mjög sterka eftirspurn viðskiptavina,“ sagði hann.

Á sumum mörkuðum, til dæmis í Bretlandi, er eina útgáfan af Puma, sem nú er fáanleg, 1,0 lítra mild blendingsútgáfa (hybrid) gerð með bensínvél, þó að Ford hafi tilkynnt að það komi bensínvél án hybrid sem og 1,5 lítra dísil.

Stóru bílaframleiðendurnir hafa ekki gefist upp á markaðshluta lítilla sportjeppa þrátt fyrir að vera aðeins með 4 prósent af flokknum með Audi Q2 og DS3 Crossback.

LMC telur að BMW muni ganga til liðs við þennan flokk með X1 Sport Cross til að veita hágæða vörumerkjum 7 prósenta hlut árið 2025. Það skilur enn eftir pláss fyrir önnur vörumerki til að selja vöru sem höfðar til viðskiptavina og skilar sterkum hagnaði. Eða eins og Munoz hjá JATO segir: „Þeir eru nauðsynleg vara fyrir flesta framleiðendur“.

(Automotive News Europe)