Lítill rafbíll frá Volvo verður lykilatriði í sókn á markaði rafbíla

Lítill rafbíll frá Volvo verður lykilatriði í sókn á markaði rafbíla

Volvo Cars staðfesti að þeir muni smíða lítinn rafbíl, sem verður lykilatriði í viðleitni þess að ná helming af sölu Volvo á heimsvísu í rafknúnum ökutækjum árið 2025.

Nýi bíllinn mun mun nota hinn nýlega afhjúpaða grunn bíla – „Sustainable Experience Architecture“ (SEA) – sem sænski bílaframleiðandinn hjálpaði móðurfyrirtækinu Zhejiang Geely Holding að þróa.

Volvo kynnir einn rafbíl á hverju ári frá og með 2020 með XC40 Recharge. Bílaframleiðandinn hefur ekki sýnt fram á allan hraðann á þessum frumsýningum, þó að forstjórinn Hakan Samuelsson hafi sagt í fyrra að rafknúin útgáfa nýja XC90 flaggskipsjeppans sé væntanleg árið 2022.

Þetta skilur eftir árið 2021 sem möguleika fyrir frumsýningu Volvo á litlum rafbíl vegna þess að Lynk & CO, sameiginlegt verkefni Volvo og Geely Automotive, hefur sagt að bíll þeirra smíðaður á grunni SEA, framleiðsluútgáfan af Zero Concept, verði hleypt af stokkunum á næsta ári.

SEA grunnurinn verður notaður af öðrum vörumerkjum frá Geely, þar á meðal Polestar, Lotus og framleiðanda á gömlu góðu leigubílunum í London, LEVC.

Búist er við að bíl á SEA-grunni Volvo verði „crossover“, byggt á athugasemdum sem Samuelsson lét breska bílatímaritinu Auto Express í té. Forstjórinn neitaði hins vegar að skilgreina „Baby Volvo“ sem jeppa.

„Ég held að jepparnir í framtíðinni séu kannski ekki alveg eins og jepparnir eru í dag,“ sagði Samuelsson við blaðið. „Veghæð frá jörðu og hæfileiki í torfærum eru líklega ekki það mikilvægasta núna.“

Samuelsson skýrði einnig frá því að Volvo hafi valið SEA frekar en að auka notkun „Compact Module Architecture“ sem Volvo þróaði með Geely Holding.

„Það er erfitt að þrýsta CMA pallinum, sem er samsettur pallur fyrir rafbíla og brennsluvélar, lengra niður. Svo ef þú vilt gera minni bíl en XC40 þá getur SEA gert það. Við munum nota hann til þess, “sagði hann við Auto Express.

Geely Holding gengur til liðs við vaxandi fjölda bílaframleiðenda sem munu hafa grunnhönnun eingöngu með rafmagni. MEB frá Volkswagen Group styður gerðir eins og nýlega kynntan ID3 og væntanlegan ID4 crossover.

Daimler sagði á þriðjudag að það muni byrja að framleiða gerðir á næsta ári á nýjum grunni fyrir rafknúna stóra bíla, frá og með EQS fólksbílnum og síðan EQE fólksbíl, EQS sportjeppa og EQE crossover. Daimler segir að gerðirnar sem byggja á nýja grunninum muni hafa allt að 700 km aksturssvið.

Geely Holding segir að SEA-bílar muni ná yfir 700 km aksturssvið og bætir við að grunnurinn nái allt frá litlum bílum til meðalstórrar og stærri fólksbifreið og jeppa til léttra atvinnubíla.

SEA-grunnurinn var þróaður á síðustu þremur árum í rannsóknar- og þróunarstöðvum í Kína, Svíþjóð, Bretlandi og Þýskalandi.

Forseti Geely, An Conghui, sagði að fyrirtækið eyddi 18 milljörðum júana (2,6 milljörðum dala) í rannsóknir og þróun fyrir SEA, sem bílaframleiðandinn hefur byrjað að ræða við aðra bílaframleiðendur um samnýtingu. Geely er að byggja sér bílaverksmiðju sem á að nota rafmagnsgrunninn, eða svo sýna skjöl á vefsíðu bílaframleiðandans.

(Automotive News Europe og Reuters)