Kynningar á Mercedes S-Class og rafbílnum EQS á réttu róli þrátt fyrir heimsfaraldur

Kynningar á Mercedes S-Class og rafbílnum EQS á réttu róli þrátt fyrir heimsfaraldur

Mercedes-Benz segir að kynningar á nýjum Mercedes-Benz S-Class og „systurbíl“ hans EQS-rafbíllinn, séu á réttri braut þrátt fyrir faraldur kórónavirus sem neyddi bifreiðaframleiðandann til að kynna fjarvinnu og loka verksmiðjum tímabundið.

Þessi tveir lúxusbílar eru „algerlega lykilatriði fyrir framtíð“ móðurfyrirtækisns Daimler og bílarnir hafa „forgang,“ sagði Joerg Burzer, framleiðslustjóri Mercedes-Benz, við systurútgáfu Automotive News Europe, þýsku útgáfuna Automobilwoche.

Burzer sagði að áætlun um frumsýningar á gerðunum séu á réttri braut án þess að nefna nákvæma dagsetningu fyrir kynningu þeirra. Fregnir í þýsku pressunni segja að S-Class muni vera fáanlegur í Evrópu í byrjun september með afhendingu sem hefst í nóvember.

EQS kemur væntanlega í sölu á næsta ári

Reiknað er með að EQS fari í sölu á næsta ári sem keppinautur Tesla Model S.

Burzer sagði að S-Class væri mikilvægasta gerð bílaframleiðandans til að hjálpa til við að þróa nýja tækni og nauðsynlegan hagnað fyrir fyrirtækið.

Gert er ráð fyrir að S-Class bjóði upp á háþróaða sjálfstæða akstursaðgerðir, uppfærslur í loftinu og nýjan tengibúnað.

Mercedes Vision EQS hugmyndabíllinn var kynnt á bílasýningunni í Frankfurt 2018.

Nýr S-Class og EQS verða smíðaðir í verksmiðju Mercedes 56 í Sindelfingen, nálægt Stuttgart.

Framleiðsla núverandi S-Class hefur verið hafin að nýju í Sindelfingen eftir að verksmiðjunni var lokað í mars vegna kórónaveirunnar.

(byggt á fréttum í Automotive News Europe og Automobilwoche)