Kveikjum afturljósin!
Enn í dag eru allt of margir trassar í umferðinni sem kveikja ekki afturljósin á bílnum sínum!
Þessa dagana erum við að sigla inn í erfiðasta tíma ársins í umferðinni. Myrkrið kemur fyrr á hverjum degi og á næstu vikum má búast við umhleypingum og slæmu skyggni, og þá ríður á að allir sjáist vel í umferðinni.
Gangandi vegfarendur er hvattir til að bera endurskinsmerki og klæðast helst ekki dökkum einlitum fatnaði, en margir ökumenn aka enn á dökklituðum bílum án afturljósa.
Stillum ljósarofann rétt!!
En það er einfalt að leysa þetta! Stillum ljósarofann rétt, ekki stilla hann bara á sjálfvirka stillingu (Auto) heldur í þá stillingu að ljósin ÖLL kvikni þegar bíllinn er gangsettur – eins og sést hægra megin á myndinni hér að ofan!
