Keppnin um „heimsbíl ársins 2023“
BMW X1, Hyundai Ioniq 6, Kia Niro eru komnir í úrslit heimsbíls ársins 2023
Úrslitin munu liggja fyrir þann 5. apríl næstkomandi
Það voru margir þátttakendur í World Car Awards 2023 og núna er ljóst hvaða bílar eru efstir í valinu ásamt því hvaða bílar keppa í einstökum flokkum.
Það eru fullt af rafbílum á lista þessa árs yfir hugsanlega sigurvegara.
Samtökin tilkynna sigurvegara miðvikudaginn 5. apríl á alþjóðlegu bílasýningunni í New York.
Nánar um Heimsbíl ársins 2023
Heimsbíll ársins: Ökutæki sem eru gjaldgeng fyrir „World Car of the Year“ eða „Heimsbíl ársins“ verða að vera framleidd í að minnsta kosti 10.000 einingum á ári, verða að vera undir lúxusbílaverði á aðalmörkuðum þeirra og verða að vera „í sölu“ á að minnsta kosti tveir helstu mörkuðum (Kína, Evrópa, Indland, Japan, Kórea, Suður-Ameríka, Bandaríkin) á að minnsta kosti tveimur aðskildum heimsálfum á tímabilinu 1. janúar 2022 og 30. mars 2023.
Keppendur í mörgum flokkum: Ökutæki í „World Performance Car“, „World Urban Car“, „World Electric Vehicle“ og „World Car Design of the Year“ flokkunum geta einnig verið keppendur í heildarflokknum „World Car of the Year“, allt eftir gerð og verðlagningu.
Öll farartæki sem eru gjaldgeng fyrir aðra World Car verðlaunaflokka eru sjálfkrafa gjaldgeng fyrir „World Car Design of the Year“.
Vídeó sem fjallar um valið í ár:
Keppendur í hverjum flokki eru:
Efstu þrír í vali á heimsbíl ársins (World Car of the Year)
BMW X1 / iX1
Hyundai Ioniq 6
Kia Niro
Rafmagnsbíll ársins (World Electric Vehicle)
• BMW i7
• Hyundai Ioniq 6
• Lucid Air
Lúxusbíll heimsins (World Luxury Car)
• BMW 7 sería / i7
• Genesis G90
• Lucid Air
Sportbíll / frammistöðubíll heimsins (World Performance Car)
• Kia EV6 GT
• Nissan Z
• Toyota GR Corolla
Borgarbíll heimsins (World Urban Car)
• Citroen C3
• ORA Funky Cat / Haomao
• Volkswagen Taigo/Nivus
Hönnunarbíll heimsins (World Car Design)
• Hyundai Ioniq 6
• Land Rover Range Rover
• Lucid Air
Með tilnefningar í þremur af sex flokkum eru Hyundai Ioniq 6 og Lucid Air í efstu sætunum í ár. BMW i7 keppir í tveimur af deildunum.
Dómnefnd verðlaunanna samanstendur af 100 bílablaðamönnum frá 32 löndum. Þeir greiða atkvæði með leynilegri kosningu.
Í ár verður nýtt útlit á bikarnum fyrir „Heimsbílinn“ (World Car bikarinn), sem kemur í ljós við afhendinguna.
Ian Callum hjá hönnunarfyrirtækinu Callum hjá bjó til hönnunina og þeir ákváðu að besta leiðin til að gera hana væri þrívíddarprentun.
„Að endurmynda bæði hönnunina og framleiðsluna eru gríðarleg forréttindi og bara að fá tækifærið var nokkuð sem liðið hjá Callum nýtur,“ sagði Ian Callum.
Dómnefnd World Car Awards valdi þegar „World Car Person of the Year“.
Kjósendur völdu SangYup Lee fyrir heiðurinn. Hann er yfirmaður Hyundai og Genesis Global Design Center.
Á síðasta ári hlaut Hyundai Ioniq 5 heiðurinn sem bíll ársins í heiminum, og sigraði Ford Mustang Mach-E og Kia EV6.
Bíllinn vann einnig flokkinn World Electric Vehicle of the Year og World Car Design flokkunum.
Audi E-Tron GT var „World Performance Car“ á síðasta ári. Mercedes-Benz EQS var „World Luxury Car“ og Toyota Yaris Cross var „World Urban Car“.
Tilkynnt um sigurvegarann á bílasýningunni í New York í apríl
Alþjóðlegu bílasýningunni í New York er ánægja að tilkynna að úrslitin í val á „heimsbíl ársins 2023“ verða tilkynnt á sýningunni.
Niðurtalningunni lýkur 5. apríl þegar sigurvegararnir verða tilkynntir í beinni útsendingu á alþjóðlegu bílasýningunni í New York árið 2023 á verðlaunahátíð sem er hluti af opnunarfjölmiðlamorgunverði sýningarinnar.
(Heimild: Heimsbíll ársins – World Car Awards)
