Kemst þetta virkilega upp í 80 km/klst?
Grjótmagnað tryllitæki er til á mörgum heimilum en það er notað í annað en akstur. Hins vegar er raunin sú að þessa græju er einmitt hægt að nota í kappakstur!
Lofið mér að kynna (með aðstoð gaukanna á Driven Media) sturlað sport:
Sláttuvélakappakstur!
Jaðarsport er það sannarlega og fegursti kostur þessa óþekkta sports er án efa hve lítið það kostar. Það er rándýrt að keppa í akstursíþróttum. Kostnaðarliðirnir eru margir og í heildina getur þetta reynst ansi dýrt og verður auðvitað bara dýrara eftir því sem græjurnar verða öflugri.
Piltarnir í myndbandinu útskýra ágætlega af hverju sláttuvélakappakstur varð fyrir valinu en þetta er nú mikið til í gríni gert. Gott grín að mati undirritaðrar og þeir komast aldeilis á fartina á þessum tryllitækjum!
Umræður um þessa grein