- Haldið ykkur fast! HiPhi A er fjögurra sæta rafbíll sem dælir 1.287 hestöfl úr 22.000 snúninga mótorum sínum
- Þessi „hyperbíll fyrir næstu kynslóð“ er rúmgóður og nógu fljótur til að ná 100 km/klst á um tveimur sekúndum
Kínverskir rafbílaframleiðendur öðlast orðspor í Bretlandi fyrir að trufla markaðinn með lágu verði sem er undir rótgrónum keppinautum frá Evrópu, Japan og Ameríku. Hins vegar er HiPhi-vörumerkið í Sjanghæ að leita að öðrum keppinaut, þar sem fjögurra sæta fjögurra dyra alrafmagns ofurbíll þeirra er í mótun til að verða keppinautur Koenigsegg Gemera.
Til að standa undir fáránlegri hönnun – sem við munum koma aftur að fljótlega – er HiPhi A knúinn af þrímótor uppsetningu sem framleiðir gríðarleg 1.287 hestöfl, getur knúið bílinn frá 0-100 km/klst á rúmum tveimur sekúndum, og gerir það kleift að ná hámarkshraða nálægt 309 km/klst. Mótorarnir þrír – einn á framöxli og tveir að aftan – eru léttir, fyrirferðarlitlir og ofurhljóðlátir en geta samt snúist við 22.000 snúninga á mínútu og geta haldið háu afli í meira en 30 mínútur.
Nákvæm stærð rafhlöðupakkans er enn ráðgáta í bili, sem og drægni bílsins, en HiPhi segir að hann geti losað allt að 1,5 MW af afli þegar mest er. Við vitum líka að HiPhi er byggður á 800V grunni, rétt eins og Rimac Nevera og Pinnifarina Battista.
HiPhi A – mælaborð.
Þetta snýst þó ekki allt um hraða í beinni línu, þar sem HiPhi A hefur verið búinn afturhjólastýri, stöðugt breytilegri höggdeyfingu og átaksstýringu til að hjálpa við meðhöndlun.
Bílnum er lýst er sem „ofurbíll fyrir næstu kynslóð“ og lítur HiPhi A út fyrir að vera einstaklega öflugur, með stóran afturvæng og jafn stóran kljúf að framan sem þú myndir ekki vilja innan við 50 metra frá hraðahindrun. En það er greinilega samsvörun með núverandi HiPhi Z fólksbíl og HiPhi Y sportjeppa vörumerkisins, sem eru engin skrautblóm heldur.
Farþegarýmið er með „ökumannsfókusaða“ uppsetningu að framan, en ætti að vera „rúmgott og þægilegt“ fyrir þá sem eru að aftan svo þetta er almennilegur fjögurra sæta bíll. Að minnsta kosti samkvæmt HiPhi.
HiPhi A verður frumsýndur opinberlega á bílasýningunni í Guangzhou í Kína 17. nóvember 2023 og er stefnt að því að framleiða í takmörkuðu magni, en fyrstu eintökin koma snemma árs 2025.
(Ellis Hyde – Auto Express)
