Þetta er í einu orði svakalegur bíll. Hann hefur örugglega mátt þola ýmislegt, maður sér það bara með því að horfa aðeins yfir bílinn. Þessi rúmlega fimmtíu ára gamli kaggi er glæsilegur á að líta.
Bleikt villidýr
Fyrst er það liturinn, svo er það innréttingin og síðan vélarhúsið. Allt vekur þetta óskipta athygli en þessi bíll var áður keppnisbíll í Kvartmílu í Bretlandi. Það var svo árið 2006 sem Jón Geir Eysteinsson finnur bílinn á netinu og þá gerast hlutirnir nokkuð hratt.
Jón Geir beið ekki boðanna, hringdi vegna auglýsingarinnar á bílnum og flaug svo út til Bretlands daginn eftir og festi kaup á bílnum. Þetta var árið 2006.
Enn kraftmikill
Þessi Cuda er með 440 kúbika vél (440 cid). Bíll Jóns Geirs er orginal „Cuda“ sem er stytting á nafninu Barracuda en munurinn á þessum tveimur bílnum segir Jón Geir að séu vélarnar.
„Hilluvél“ sem gefur 700 hestöfl
En Jón Geir á svokallaða hilluvél í þennan bíl. Stóra spurningin er síðan hvað „hilluvél“ þýðir? Jú, það er vél sem geymd er uppí hillu úti í skúr. Þessi vél er engin smásmíði, svokölluð 528 HEMI vél sem gefur um 700 hestöfl.
Svo er til 250 Nitro kit í kaggann sem gefur honum eitthvað meira afl.
Eina Cudan á Íslandi
Þessi Cuda er eini ’71 bíllinn af þessari gerð á Íslandi. Í gamla daga var vinsælt að setja flækjur, fjögurra hólfa blöndung og stærri dekk til að gera bílana meira „rough“, var eiginlega hálfgerður staðalbúnaður segir Jón Geir.
Aðeins um Plymouth Barracuda
1971 Plymouth Barracuda var oft nefndur „Cuda“. Plymouth Barracuda er klassískur amerískur sportari sem var framleiddur af Plymouth deild Chrysler bílaframleiðandans.
1971 árgerðin var ein athyglisverðasta en það ár voru nokkur afar kraftmikil afbrigði af bílnum framleidd.
Barracuda árgerð 1971 var með talsvert breyttu sniði en forverar hans. Hann var með djarft og kraftmikið útlit. Hann var lengri, breiðari og framendinn var með áberandi grillhönnun.
Yfirbyggining var straumlínulagaðri og hönnuninni var ætlað að fanga anda amerískra sportara þess tíma.
Barracuda 1971 var með nokkrar öflugar vélar til að velja úr en þær voru eitt aðaleinkenni þessa sportbíls. Þar á meðal voru ýmsar V8 vélar, svo sem 318 cid V8, 383 cid V8 og hin velþekkta 426 cid Hemi V8.
Þessar vélar voru þekktar fyrir magn hestafla og tog, sem gerði Barracuda að sönnu villidýri á vegi og í keppnum.
Cudan var kraftmeiri útgáfa af Barracuda
Afkastamikil útgáfa af Barracuda var þekkt sem „Cuda“.
1971 Cuda var fáanlegur með áðurnefndum vélarvalkostum, þar á meðal hinni goðsagnakenndu 426 Hemi vél sem var þekkt fyrir afl og tog.
Cuda bauð einnig upp á fleiri gerðir, grunngerð Cuda, Cuda 340 og Cuda 440, sem gaf til kynna tegund vélar sem búin var í ökutækinu.
Innréttingin í Barracuda 1971 var hönnuð með ökumannsmiðuðu skipulagi og bauð upp á blöndu af þægindum og frammistöðumiðuðum eiginleikum.
Þó að áhersla bílsins væri á frammistöðu hans, voru nokkrir lúxusvalkostir og þægindi einnig í boði.
Plymouth Barracuda 1971, sérstaklega afkastamikil Cuda afbrigði, eru mjög eftirsóttir bílar af söfnurum og fornbílafólki.
