Jaguarinn hans Morse

Jaguarinn hans Morse

Eflaust þekkja margir lesenda okkar bresku sakamálaþættina um Morse lögreglufulltrúa, og muna eftir rauða Jaguarnum sem hann ók í þáttunum. En hvernig bíll var þetta og hvað varð um hann?

Jaguarinn hans Morse var Jaguar Mark 2, sem kom á markað árið 1959 í Bretlandi og var framleiddur til ársins 1967. Hönnunin var fáguð og bíllinn rúmgóður. Hámarkshraðinn var skráður 119,9 mílur á klukkustund (um 191,5 km/klst) og hann var 11,9 sekúndur frá 0 upp í 100 km/klst.

Vélin var 2,4 lítra og hestöflin 213. Bíllinn var aðeins á stálfelgum og með „Everflex“ vínyltopp

Jaguar Mark 2 var meðalstór sportlegur fólksbíll, smíðaður í Coventry á Englandi. Fyrri gerðir Jaguar, 2,4 lítra og 3,4 lítra, sem smíðaðar voru á árunum 1955 til 1959 eru auðkenndar sem Mark 1 Jaguar.

Morse-Jaguar seldist á yfir 100.000 pund

Vínrauði Mark II Jaguarinn sem notaður var í Inspector Morse seríunni í sjónvarpinu, seldist á sínum tíma fyrir meira en 100.000 pund eða um 18,3 milljónir króna.

Jaguarinn var seldur í lokuðu útboði af skiptastjóra fyrirtækis sem áður hafði átt hann.

Eigendur Walker Singleton sögðu að bíllinn hafi „staðið fyrir sínu“ en gáfu ekki upp nákvæmt verð.

Howard Eastwood, sem sá um söluna, lýsti áhuga á bílnum sem „óvenjulegum, sem endurspeglar þá miklu ástúð og viðurkenningu sem bíllinn nýtur, ekki bara í Bretlandi, heldur um allan heim“.

Endurgerð

2,4 lítra bílnum, sem hefur hámarkshraðann 190 km/klst og hafði verið ekið 79,460 mílur, hefur verið lýst sem „þekktasta Mark II Jaguar í heimi“.

Í júlí 2004 sló bíllinn út bæði Chitty Chitty Bang Bang og Aston Martin James Bond í skoðanakönnun sem gerð var í því augnamiði að finna vinsælasta „fræga bíl“ allra tíma í Bretlandi.

Þessi gamli Jaguar var keyptur af framleiðendum Morse Carlton TV árið 1987 og hélst í eigu fyrirtækisins þar til seríunni, sem byggð var á skáldsögum Colin Dexter, lauk árið 2000.

Bíllinn var happdrættisvinningur árið eftir en sá sem vann bílinn seldi hann áður en langt um leið og fékk fyrir hann 53.200 pund.

Leikarinn John Thaw, sem lést úr krabbameini í hálsi árið 2002, sagði einu sinni að Jaguar væri „erfiður í akstri“.

Síðasti eigandi bílsins, fasteignafyrirtæki í Englandi, fannst bíllinn sæmilega frambærilegur og aksturshæfur en var í slæmu ástandi.

Síðan hefur bíllinn gengið í gegnum verulega endurreisn og allir vélrænir íhlutir hafa verið lagfærðir, skipt út eða lagfærðir.

Nýi eigandinn sagði að bíllinn „ætti skilið að sjást og vera dáður af öllum“.

Hann sagðist ætla að leyfa almenningi að sjá kaup sín á viðburðum og sýningum víða um Bretland.

En Jaguar Mark 2, fyrrum bíll Morse, sem notaður var í sjónvarpsþáttunum, var seldur í nóvember 2005 fyrir yfir 100.000 pund. Síðar var greint frá því árið 2009 að maðurinn sem keypti þennan fræga Jaguar, John Potts, 60 ára, væri forstöðumaður kaupsýslufyrirtækis sem sveik fjárfesta um 80 milljónir punda til að fjármagna ótrúlegan lífsstíl! Hann fór í fangelsi og afplánaði 5 ára fangelsi. Það er nógu kaldhæðnislegt, en þetta hefði átt að vera mál fyrir Morse sjálfan.

Jaguar MK 1 í þáttunum um Morse á yngri árum

En það hafa fleiri Jaguar-bílar verið tengdir við Morse. Vegna vinsældar fyrri þátta um lögreglufulltrúann í Oxford var ráðsit í framleiðslu á þáttum um fyrri ár Morse

Árið 2012 var Jaguar keyptur af fyrirtæki sem sérhæfir sig í að leigja bíla fyrir kvikmynda- og sjónvarpsframleiðslur sérstaklega til að vera aðalbíllinn í sjónvarpsþáttunum undir nafninu „Endeavour“ sem byggðir voru á Inspector Morse, sagan af fyrstu árum Morse í lögreglunni og hefur komið fram í öllum þáttum fimm seríurnar; fimmta serían er sem stendur í sjónvarpi í Bretlandi.

Bílnum hefur verið haldið við að fullu og viðhaldið í háum gæðaflokki þar sem áreiðanleiki er nauðsynlegur fyrir tökuáætlanir. Þetta Mk.I Jaguar í svörtum lit með gljáandi leðuráklæði, með V5C skráningarskjal, upprunalega handbók og stóra söguskrá sem inniheldur gömul MoT skoðunarvottorð frá 1990, afrit af tímaritunum sem bíllinn hefur birst í og verkstæðis- og varahlutahandbækur.

Bíllinn er sá 939. sem var smíðaður úr heildarframleiðslu 19, 992 eintaka sem framleiddar voru á milli september 1955 og september 1959 og er talið að þessi bíll gæti verið einn elsti 2,4 Saloon, eða fólksbíll, sem enn er í góðu ástandi til aksturs.