Þvílík landkynning sem Ísland fær í nýjasta YouTube myndbandi Top Gear! Þetta brakandi ferska myndband á að fjalla um Bentley Flying Spur Hybrid en þáttarstjórnandi er gjörsamlega að tryllast yfir Íslandi og landslaginu þannig að Bentley-inn fer fyrir ofan garð og neðan.
Ollie Marriage er sennilega toppnáungi og er líka Top Gear karl. Hann kom hingað til lands ásamt tæplega þrjátíu milljón króna eðalvagni, Bentley, og áskorunin er fólgin í því að fara þvert yfir landið á þeim orkugjöfum sem hér á landi bjóðast af náttúrunnar hendi (með nokkrum milli-handtökum mannanna).
Satt best að segja er Ollie ekki alveg eins og hann á að sér að vera í meðfylgjandi myndbandi- Ísland ruglar hann með fegurð sinni. En ég kann vel við þennan Íslandselskandi Ollie. Og bíllinn virðist ágætur líka, fyrir utan litinn! Hver gerir svona? Jú, Bentley.
Jæja, njótið myndbandsins lesendur góðir!
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
Umræður um þessa grein