Hugmyndabíll á sportjeppagrunni er sýnishorn af framtíðinni: Framtíð sjálfkeyrandi bíla þar sem stjórntæki ökumanns eru nánast falin.
Bílasýningin í Los Angeles stendur nú yfir en þessi sýning hefur á undanförnum árum verið notuð til að kynna nýjungar á bílamarkaðnum. Það sama er uppi á teningnum í ár, þegar sýningin fer í gang á ný eftir mikla lægð í bílasýningum vegna kórónaveirunnar. Í gær var þar frumsýndur hugmyndabíll frá Hyundai sem er rafdrifinn sportjeppi.
Hugmyndabíllinn Hyundai Seven sýnir eitt og annað sem vörumerkið gæti komið með í þriggja sætaraða rafmagns-crossover árið 2024: Bíll með innréttingu sem líkist setustofu, ofurhraðhleðslu og markvissri drægni sem er yfir 483 km.
Þegar bíllinn var kynntur á bílasýningunni í Los Angeles lagði Hyundai sérstaka áherslu á sveigjanleika hönnunar sem er möguleg með E-GMP rafbílagrunninum.
„Seven varpar upp loftaflfræðilega hreinni mynd sem er ósjálfrátt frábrugðin dæmigerðum sportjeppa,“ sagði Hyundai í fréttatilkynningu. „Lág frambrún húddsins, straumlínulaga þaklína og lengt hjólhaf sendir skýr skilaboð um fráhvarf frá hefðbundnum sportjeppum sem knúnir eru af brunahreyflum.“
Framtíðarhönnunin nær einnig til innréttingarinnar
„Flatt gólfið gerir Hyundai Motor kleift að kanna valkosti við hefðbundna sætaskipan sem byggir á röðum, sem skapar gott innra skipulag,“ sagði framleiðandinn. „Hurðirnar á millibita bjóða upp á glæsilegan inngang sem býður farþega velkomna inn í áður óþekkt rými í bíl.“
Eiginleikar sjálfkeyrandi bíls
Hugmyndin gefur einnig mynd af sjálfkeyrandi bílum framtíðar og möguleikanum á að fela stjórntæki ökumanns og búa til innréttingu í setustofustíl, með snúningsstólum og sveigðum afturbekk.
Sumir af hagnýtari hönnunarþáttunum munu líklega koma í framleiðslu þegar Hyundai kynnir Ioniq 7.
Ioniq 7 verður þriðja Ioniq undirmerki EV á eftir Ioniq 5 minni crossover á þessu ári og Ioniq 6 millistærðarbíl árið 2023, samkvæmt tímalínu sem bílaframleiðandinn hefur kynnt.
Hyundai Seven gæti gefið til kynna hvað er væntanlegt í Ioniq 7.
„Í raunverulegum aðstæðum með 350 kW hleðslutæki er Seven fær um að hlaða frá 10 prósentum til 80 prósenta á um 20 mínútum,“ sagði fyrirtækið. „Hugmyndabíllinn er einnig hannaður til að ná yfir 480 km. drægni.“
Ioniq 5 er einnig á sýningunni í Los Angeles. Hann er nú þegar til sölu á sumum mörkuðum og ætti að rata til bandarískra umboða í fyrir lok ársins.
Nýta sér tæknina
Hyundai vill nýta rafbílatækni sína til að ná aukinni markaðshlutdeild. Líklegt er að 800 volta rafhlöðuarkitektúr Hyundai Motor Group sé meðal hraðvirkustu hleðslukerfa markaðarins.
„Seven dregur upp mynd af skapandi sýn Hyundai og háþróaða tækni fyrir framtíð rafrænna samgangna,“ sagði Jose Muñoz, forstjóri Hyundai Motor North America. „Frumlegt innra rými, vistvæna aflrásin og háþróaða öryggis- og þægindatæknin sýna spennandi framtíð fyrir viðskiptavini Hyundai.“
(Frétt á Automotive News Europe – myndir Hyundai)
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
