Hyundai forkynnir alveg nýjan i20 á undan frumsýningu í Genf
Þetta er fyrsti bíll þeirra á Evrópumarkað sem er með nýja hönnununarútlit Hyundai
Hyundai er að undirbúa að frumsýna nýjan i20 „hatchback“ í næsta mánuði í Genf og eru að forsýna þriðju kynslóð litla bílsins með nokkrum hönnunarteikningum. Það vekur athygli að i20 er fyrsti bíllinn fyrir Evrópumarkað sem er með nýja hönnunarútlit vörumerkisins, sem kom fyrst fram á Sonata fólksbifreiðinni 2020 og Palisade jeppanum.
Bíllinn er kallaður „Sensuous Sportiness,“ og Hyundai segir að hönnunin miði að því að koma hlutfalli, arkitektúr, stíl og tækni í sátt. Í samræmi við það fær i20 miklu sportlegra útlit frá forvera sínum, með lága stöðu, beina þaklínu og nóg af áhugaverðum bogmynduðum brotum á hliðunum, þó að það sé óhætt að gera ráð fyrir að risastóru hjólin sem sjást hér á teikningunni komi ekki fram í framleiðsluútgáfunni. Það fær hallandi grill sem er svipað og á Sonata og er sagt leggja áherslu á breidd. En ólíkt Sónötunni, þá nær það alla leið að framljósunum. Teikningarnar benda einnig til formaðs hólfs fyrir þokuljósin.
Að aftan eru ljósin eð örvarútliti og virðast vera tengd með þunnu ljósbandi sem er samþætt í afturglugganum. Hyundai kemur hér með vinsælan tvílit á bílnum með því að gefa honum andstætt svart þak, sem heldur áfram niður að afturljósunum. Það er líka merki um vindskeið að aftan.
Það hefur komið fram að innanrýmið fái einnig nýtt yfirbragð, með láréttum línum í mælaborði og fela loftopin, nýtt stafrænt mælaborð og tvo 10,25 tommu skjái.
Það liggur ekkert fyrir um drifrás né heldur hvort Hyundai muni bjóða upp á nýju útgáfuna í þriggja dyra Coupe útgáfum eins og áður. Fyrri útgáfan var einnig boðin í Sport-útgáfu. I20 Coupe þjónar einnig sem grunnbíll sem Hyundai World Rally Team notaði til að verða meistari meðal framleiðenda í World Rally Championship mótaröðinni árið 2019. Við fræðumst nánar um þennan nýja i20 á bílasýningunni í Genf í mars, ef ekki fyrr.
Umræður um þessa grein