Spáum við í það hversu öruggur eða ekki bíllinn er sem við ætlum að festa kaup á?
Nú á tímum eru bílar þrautprófaðir áður en þeir fara á markað, allavega þeir sem komast á Evrópumarkað.
Tesla er einn af öruggustu bílum heims í dag.
Þeir koma þó misvel út þessir bílar og það er því ekki úr vegi að fara aðeins yfir markmiðin með svona prófunum.
Evrópska prófunarlotan fyrir nýja bíla (Euro NCAP) metur nokkra lykilþætti til að ákvarða öryggisframmistöðu þeirra. Sumir af helstu þáttum sem prófaðir eru eru:
Árekstrarhæfni: Þetta metur hversu vel ökutækið verndar farþega ef árekstur verður. Prófanir fela í sér högg að framan, hliðarhögg og höggpróf á stöng. Hér koma bílar misjafnlega vel út.
Verndun barna: Metur öryggi barna sem eru í farþegum, prófar virkni aðhaldsbúnaðar fyrir börn og aðra öryggisþætti fyrir börn.
Verndun vegfarenda: Leggur áherslu á öryggi gangandi og hjólandi vegfarenda og skoðar eiginleika sem draga úr alvarleika meiðsla ef til áreksturs kemur við óvarða vegfarendur.
Öryggisaðstoð: Metur tilvist og skilvirkni virkra öryggiskerfa, svo sem sjálfvirkrar neyðarhemlunar, akreinavara og hraðaaðstoðarkerfa.
Vernd fullorðinna: Metur þá vernd sem fullorðnum farþegum og ökumanni er veitt við ýmsar árekstraraðstæður.
Afstýra árekstri/minnka líkur: Prófunartækni sem miðar að því að forðast slys með öllu eða draga úr alvarleika þeirra, þ.m.t. neyðarhemlakerfi og aðstoð við akreinahald.
Hliðarhögg geta valdið mjög alvarlegum slysum og þol og búnaður bílsins gagnvart slíkum höggum því mjög mikilvægur.
Euro NCAP býður upp á stjörnugjöf sem byggir á frammistöðu bílsins í þessum flokkum, sem hjálpar neytendum að bera saman og velja bíla út frá öryggiseiginleikum og frammistöðu.
Neðangreindar niðurstöður sýna að kínversku framleiðendurnir eru alveg á pari við þá evrópsku hvað öryggi varðar – allavega hvað varðar bíla sem hleypt er inn á evrópska markaðinn.
Þeir bílar sem fengu besta einkunn árið 2022 voru:
Tesla Model S
Hyundai IONIQ 6
WEY Coffee 01
ORA Pro 300
Tesla Model Y
Sigurvegararnir eru eftirfarandi: Hyundai IONIQ 6 hlýtur verðlaun fyrir besta bílinn í flokki stærri fjölskyldubíla; ORA Pro 300 í flokki smábíla; Tesla Model S í lúxusbílaflokki; Tesla Model Y í flokki smærri sportjeppa og loks WEY Coffee 01 í jeppaflokki.
Hekla kynnti Ora seint á síðasta ári en sá bíll kemur verulega á óvart að flestu leyti, aksturseiginleikar eru frábærir, bíllinn er á hagkvæmu verði og er afar vel búinn eins og Hekla býður hann.
Myndir: EURO NCAP
