Honda mætir á Tokyo Auto Salon 2019 með 5 bíla

Honda mætir á Tokyo Auto Salon 2019 með 5 bíla

Lyft Honda Civic með „jeppayfirbragði“ og „Retro S660 racer“ á leiðinnni á sýninguna í Tókýó eftir tæpar tvær vikur

Upphækkaður og öflugur Honda Civic? Gamaldags kappakstursbíll S660? Það er greinilega ætlun Honda að sýna mikið af sérstæðum sérsniðnum ökutækjum á komandi 2019 Tokyo Auto Salon.

Þessi sýning sem haldin er í Makuhari Messe sýningarhöllinni í útjaðri Tókýó er sérsniðin sýning þar sem áherslan er einkum lögð á sérstaka og breytta bíla, aukahluti fyrir bíla og rafeindatækni tengda bílum. Hin eiginlega alþjóðlega bílasýning í Tókýó er hinsvegra haldin í október á tveggja ára fresti.

Svo við séum nákvæmari, hefur Honda tilkynnt að þeir muni sýna fimm ný einstök ökutæki á þessari sértæku bílasýningu nú í janúar. Öll þau eru breytt útgáfa ökutækja sem nú eru í boði hjá Honda í Japan.

Hingað til hefur Honda aðeins gefið út kynningarmyndir af þessum ökutækjum en ekki með mikið af upplýsingum um hverja gerð. Búast má við upplýsingum um hverja ökutækin verða frumsýnd á Tokyo Auto Salon.

Af þeim fimm, er eitt af þessum ökutækjum sem stendur mest upp úr hópnum, en það er Civic Versatilist. Samkvæmt því sem fram hefur komið í fréttatilkynningu frá Honda þá er þetta í raun Civic Hatchback sem hefur verið lyft upp og fengið sterklegra. Sé rýnt í textann má segja að breytingin og búnaðurinn bætir „jeppatilfinningu“ við Civic en heldur enn stílhreinu útliti fólsbílsins.

Sportbíllinn „Modulo Neo Classical Racer“ byggir á Honda S660 Neo Classic sem kynntur var til sögunnar fyrr á þessu ári. Hér er búið að sameina sportlega eiginleika Neo Classic og fínstillingu af hálfu Modulo. Modulo breytingin bætir við breiðari hjólbogum, nýju setti af felgum og meira áberandi framenda sem á sér samsvörun við gömlu kappakstursbílana.

Þeir hjá Honda halda áfram að senda frá sér litla bíla með „sætu“ útliti. Honda mun sýna hugmyndabílinn „Well Concept“ ( sem er byggður á StepWGN) og „Trip Van“ ( sem er byggður á N-Van + Style Fun Turbo). Sá fyrri er sagður tákna fjölskyldubíl framtíðarinnar, sem mun einnig verða einn af fjölskyldumeðlimunum. Hinsvegar er sá síðari, „Trip Van“ sagður vera með innblástur frá brimbrettabruni og öðrum áhugamálum.

Í lokin má nefna „Fit Elegant Colour Collection“. Þessi bíll er þekktur sem Honda Jazz, en hér er búið að bæti við Modulo-hönnunar búnaði og þar að auki er boðið upp á einstakar litasamsetningar sem að sögn þeirra hjá Honda er sérstaklega ætlað að höfða til kvenkyns kaupenda.

Allar þessar fimm gerðir munu verða frumsýndar á 2019 Tokyo Auto Salon sem opnar 11. janúar í Makuhari-sýningarhöllinni í Japan.

?