- Tækni „fullkomins mótors“ þýska fyrirtækisins Mahle sameinar nýja rafmótorinn með segullausum, snertilausum úttaksbúnaði.
DETROIT – Þýski birgirinn Mahle segist hafa þróað nýja tækni fyrir rafknúna mótora fyrri bíla sem geta virkað á miklu afli og hámarks skilvirkni án þess að þurfa segla og sjaldgæfu jarðefni sem mótorar í dag þurfa.
Mótortæknibúnaður Mahle, sem fyrirtækið kallar „fullkominn mótor“, sameinar „Superior Continuous Torque“-rafmótorinn og segullausan snertilausan úttaksbúnað.
Pörun þessara tveggja tækniþatta gerir rafbílum kleift að vinna á hámarksafli en tryggir engan núning á milli úttaks og snúðs („rotors“) – sem gerir mótornum kleift að ganga í „mjög langan tíma án þess að hörna“, sagði Arnd Franz, forstjóri Mahle, við Automotive News á bílasýningunni í Detroit.
Franz sagði að segullausu mótorarnir, sem Mahle býst við að verði í fjöldaframleiðslu árið 2027 eða 2028, hafi vakið verulega athygli bílaframleiðenda sem vilja auka afköst rafbíla sinna en takmarka notkun dýrra sjaldgæfra jarðmálma.
Sjaldgæf jarðefni eru að mestu framleidd í Kína og viðskiptaspenna við Bandaríkin hefur gert langtímaframboð þeirra óvissara fyrir bílaframleiðendur í Norður-Ameríku.
Renault og BMW eru meðal bílaframleiðenda sem nota rafmótora án sjaldgæfra jarðefnaþátta.
„Það er verið að taka upp núna vegna þrýstings um lækkun kostnaðar, og einnig skorts á þungum sjaldgæfum jarðefnum sem þarf að nota til segulframleiðslu,“ sagði Franz. „Þetta er mikill hvati“.
Mahle, sem venjulega framleiðir íhluti fyrir brunahreyfla eins og stimpla og strokka, er að spá í vörur eins og segullausan úttaksbúnað til að knýja fram viðskipti þar sem markaður fyrir rafbíla stækkar um allan heim.
Mahle er í 22. sæti á Automotive News Europe listanum yfir stærstu birgja heimsins, með heimssölu til bílaframleiðenda upp á 13,1 milljarð Bandaríkjadala árið 2022.
Automotive News Europe
