Hinn frægi Bentley „Blower“ snýr aftur í keppni
Handsmíðaðir Bentley-bílar hafa þegar verið seldir, en þessi er farinn í kappakstur
Að skilgreina Bentley Blower sem stórkostlega klassískan kappakstursbíl er gríðarlegt vanmat.
Og nú hefur nútímalegt eintak „blásararns“ – kallaður Car Zero – verið smíðað í höndunum, eftirlíking af 1929 4½ lítra forþjöppubílnum, og hann mun keppa í kappakstri enn á ný.
Við höfum áður fjallað um þennan fornfræga bíl hér á vefnum okkar þegar „endursmíðin“ var ráðgerð – og núna er hanns ems agt tilbúinn.
Hinn óviðráðanlega blásari, svo nefndur eftir Roots-gerð forþjöppunnar (sem smíðuð var af Amherst Villiers) sem er boltuð í framan á sveifarhúsiðs em er úr magnesíum, hefur verið endurvakinn og mun keppa á Circuit de la Sarthe – þýtt: „Le Mans“ – í júní, sem sem og á Donington Park á Englandi og í Spa í Belgíu síðar á þessu ári. Bíllinn hefur þegar keyrt sex klukkutíma akstursprófun á hinni sögufrægu Goodwood braut suður af London til að prófa hvernig hann yrði í keppni.
Samkvæmt sögu sem birt var í AutoEvolution var upprunalegi bíllinn óþolandi óáreiðanlegur – hann vann ekki neina af þeim 12 mótum sem hann tók þátt í – og var afar óhagkvæmur. „Á fullri inngjöf myndi blásarinn brenna fjórum lítrum af eldsneyti á hverri mínútu,“ sagði sagan. „En hraði hans var beinlínis ótrúlegur frá litlu vélinni með forþjöppu og fjögurra gíra ósamhæfða gírkassans“.
Nokkrir svokallaðir „Continuation Series Blowers“ („framhalds-blásarar“) hafa verið teknir í notkun og hafa verið eða verða smíðaðir fyrir sölu til viðskiptavina. Allir hafa þegar verið seldir, með nokkrum breytingum fyrir nútíma öryggi, þar á meðal aukaljósi að aftan til notkunar í lélegu skyggni og slökkvitæki.
Bloggskrifarinn Andrew English sem skrifar fyrir Autoblog hefur ekið bílnum, sem kostar 2 milljónir dollara, og það er mikil saga. Myndir frá akstri hans eru hér að neðan.
Fyrir um þremur árum síðan hóf Bentley ferlið við að endurbyggja eftirmynd upprunalega „blásarans“ með laserskönnun á öllum hlutum hans. Verkfræðingar eyddu um 40.000 klukkustundum í verkefnið, með því að nota upprunalegar teikningar og uppdrætti til að búa til „afrit með mikilli nákvæmni“ af upprunalegu hlutunum.
Ekki var heldur litið fram hjá innréttingunni. Bentley notaði 22 pund af hrosshári til að fylla sætin, grindin er úr aski og áklæðið er rautt leður. Þetta er jú þegar allt kemur til alls, Bentley.
(grein á vef Autoblog)
