Margir þekkja International Harverster en fyrirtækið sérhæfði sig í framleiðslu landbúnaðartækja og er í dag þekkt sem Navistar International sem framleiðir stóra vörubíla.
Það eru eflaust margir sem gera sér ekki grein fyrir að þetta er fyrirtækið sem lagði töluvert til málanna við þróun og smíði þess sem við köllum dags daglega jeppa. Þó sérílagi stóru jeppana sem byggðir eru á bílum eins og Chevy Suburban og Ford Expedition.
Og það var ekki Chevrolet sem kom með fyrsta stóra fjögurra dyra bílinn því Suburban varð ekki fjögurra dyra bíll fyrr en eftir 1973.
Sambandið flutti inn
Þessi tiltekni 1968 International Harvester Travelall er án efa einn af þeim flottari sem enn er til. Það gæti líka verið erfitt að ímynda sér svona bíl með lægri kílómetratölu á mælinum en tæpa 40 þúsund frá upphafi.
Bíllinn hefur verið gerður mjög nákvæmlega upp. Ef þú ert að spá í bíl sem vekur athygli og þú ert aðdáandi International Harvester er þessi bíll pottþétt málið.
Alvöru málning
Liturinn heitir Bahama Blue en þessi bíll var allan sinn líftíma á búgarði í þurru og saltlausu umhverfi Colorado. Stálið í bílnum er allt upprunalegt en þessi risi hefur reyndar verið málaður í upprunalega litnum með tveggja þátta úretan lakki.
Bílar þessir voru hannaðir til að vera vinnutæki og þrátt fyrir að jeppaeiginleikarnir væru aðeins á undan sinni samtíð er bíllinn níðsterkur og talsvert á undan sinni samtíð.
Nallinn er kannski ekki neitt ofurfallegur en það er samt eitthvað við bílinn. Rúður í fínu ásigkomulagi. Stór framendinn trónir yfir allt, stílhreinn afturhlerinn kemur vel út með kringlóttum afturljósunum.
Og annað, málningin á þessu eintaki er mun flottari en þegar hann var nýr – kemur afar vel út á bílnum (segir í sölulýsingu).
Vel uppgerður
Það er stíll á trukknum. Smáatriði á þessum Travelall trukk eins og svarta strípan á hliðum bílsins gefa honum sterkan svip. Það er líka slatti af krómi, þar á meðal stórir stuðarar að framan og aftan sem hafa verið endurnýjaðir
. Að sjálfsögðu er þetta „trukkur“ eins og kanarnir kalla hann, stóru hliðarspeglarnir og ljósin ofan á toppnum á bílnum undirstrika að þetta er vinnubíll og tilbúinn í hvað sem er.
Upprunaleg vél
Það sem gerir þetta eintak alveg einstakt er að vélin er fyrsta flokks uppgerð, 345 V8. Krafturinn er kannski ekki aðalmálið en gírhlutföll eru þannig að vélin togar mjög vel og bíllinn með ágæta dráttargetu.
Þessi bíll hefur fengið mikla ástúð og allur verið gerður upp af mikilli natni.
Hvert stykki er þannig frágengið að það sé í sem upprunalegasta formi. Alveg ný raflögn, vökvastýri, fjögurra hólfa réttur blöndungur og það fylgir meira að segja brúsi af Harvester rúðuvökva með bílnum.
Stór og sterkur
Gírskiptingin er 3 gíra sjálfskipting sem gerir akstur þessa stóra bíls ekki frábrugðinn nútíma pallbíl í fullri stærð. Öflug fjöðrun að framan er stífur ás sem er studdur af stálfjöðrum, gerir hann þannig að eigendur nýrri palllbíla myndu roðna við að sjá hvað þessi gamli jálkur getur dregið.
Hann er einnig með tvöfaldan útblástur til að hjálpa vélinni að ná nokkrum hestöflum í viðbót og vélin hljómar líka vel. 15 tommu stálfelgur eru með upprunalegu hjólkoppunum og að sjálfsögðu er hann með hvíta hringi.
Fjölskyldubíll
International Harvester staðsetti Travelall sem stóran fjölskyldbíl sem gæti flutt alla familíuna og farangur hennar með í löngum ferðalögum. Kremlituð vinylsætin og hurðaspjöld gera bílinn bjartan og skemmtilegan og stórir gluggarnir voru sterkur sölupunktur árið 1968.
Það er líka nóg pláss fyrir alla í bílnum, fótapláss aftur í alveg þrælfínt.
Mælaborðið er í góðu standi og hefur verið uppgert með upprunalegu og nýju stöffi. Upprunalegur bæklingur og handfylli af varahlutum fylgja með trukknum ásamt nokkrum lyklum – sem er nú frekar sjaldgæft á svona gömlum bílum, ekki satt?
Ofangreindur texti er sölulýsing á þessum flotta International jeppa sem eflaust einhverjir hér á landi muna eftir frá því að Sambandið flutti inn þessa gerð bíla.
Umræður um þessa grein