Margir Íslendingar hafa í áranna rás lagt í ferðir á Spánarstrendur, og „hvíta ströndin“ eða Costa Blanca hefur verið með þeim vinsælli. Heimsóknir Íslendinga á þessu svæði hafa dreifst marga staði allt frá Torrevieja í suðri og norður til Calpe, en meginstraumurinn hefur þó verið til Benidorm og nágrannabæjanna.
En margir þessara ferðalanga eru að leita sér að einhverju að gera, og stundum að einhverju sem er „öðru vísi“.
Á dögunum fréttum við af nýrri afþreyingu sem er sniðin að bílaáhugamönnum, einkum þeirra sem hafa áhuga á gömlum sportbílum og eðalbílum.
Það er nefnilega hægt að bregða sér í ökuferðir á gömlum eðalbílum og sportbílum, þar á meðal enskum og þýskum. Nýlega var stofnað á þessum slóðum nýtt fyrirtæki sem sérhæfir sig í að leigja út svona bíla, CLUB 55 CLASSIC CARS.
Fyrirtækið er rétt fyrir utan strandbæinn Moraira, sem er skammt fyrir norðan Calpe.
Í raun er fyrirtækið alveg nýtt, hefur aðeins starfað í nokkra mánuði, en það var einn landi okkar, Ingvar Gissurarson, sem býr í nágrannabænum Jaeva, sem er í 5 kílómetra fjarlægð frá CLUB 55, sem benti okkur á þennan afþreyingarmöguleika.
Ingvar þekkja margir áhugamenn um gamla bíla á Íslandi, einkum sem viðgerðarmaður á Jaguar-bílum og mótorhjólum
Ingvar þekkir vel til eigenda CLUB 55 og kom okkur í samband við þá, einkum einn stofnendanna, Gary Crates.
Sameiginleg ástríða kom fyrirtækinu af stað
„Ástríða okkar félaganna, David og mín fyrir bílum og akstursíþróttum leiddi okkur saman til að búa til Club 55 klassíska bíla“ sagði Gary þegar hann var að sýna okkur aðstæðurnar í fyrirtækinu þeirra.
Gary hefur unnið, ferðast og búið í mörgum löndum um allan heim. Undanfarin 3 ár, deildi hann tíma sínum á milli Genfar og Spánar, og tileinkaði sér meira af tíma sínum í klassískt bílaverkefni sitt, skipulagningu „Grand Tours“ um alla Evrópu. David hefur komið á svæðið næstum árlega síðan hann var 8 ára strákur.
Árið 2017 ákvað hann að nýta tækifærið til að búa varanlega hér á Spáni og koma þeirri hugmynd í gang að hefja starfsemi með klassíska bíla á Costa Blanca. Í mörg ár hafa báðir félaganna haft brennandi áhuga á bílum, klassískum bílum og akstursíþróttum.
Það var síðan á bensínstöð í nágrannabænum Benitachell sem þeir hittust fyrir slysni árið 2020. David fékk sér bensín á sinn TR3 og Gary var að kaupa eitthvað og bílaumræðan byrjaði.
Þetta er í hnotskurn hvernig Club 55 klassískir bílar byrjar. Nokkrum mánuðum seinna á árinu 2021 opnuðu þeir Club 55 CLASSIC CARS í Moraira sannfærðir um að fyrirtæki þeirra sem byggist á sígildum bílum og verslun með þá muni höfða til hinna fjölmörgu bílaáhugamanna á Costa Blanca.
Viðgerðarmaðurinn Pete
En gamlir bílar byggja á góðu og vönduðu viðhaldi. Gary sagði mér að þeir væru ofurheppnir að hafa innan sinna raða bifvélavirkja af gamla skólanum sem kynni sérstaklega gömlu bresku bílana eins handarbakið á sér.
Þessi félagi þeirra, Pete að nafni, fæddist í Oldham á Englandi og byrjaði sem vélvirki aðeins 16 ára að aldri.
Hann starfaði í verknámi hjá Ford Motor Company og stofnaði aðeins 21 árs aldur sitt eigið verkstæði, þar sem hann vann við viðhald á mörgum breskum bílum, sérstaklega Mins, Triumph & Jaguar / Daimlers. Hann kom víða við á liðnum árum, en hin sanna ástríða hans er klassískir bílar.
Eða eins og Gary sagði: „einkunnarorð hans eru „viðgerð, ekki skipta út“, sem eru sérstaklega viðeigandi í eldri bílum. Pete er hin sanni vélvirki sem raunverulega veit hvernig á að laga vandamál, sem er eiginleiki sem er að verða mjög sjaldgæfur.
Eftir að hafa farið á eftirlaun Pete gat ekki komið klassískum bílum út úr kerfinu sínu. Hann er skólabókardæmi um vélvirkja með „55“ ára ótrúlega dýrmæta reynslu undir belti, sem er frábær viðbót við Club 55 liðið“ sagði Gary.
Ingvar Gissurarson tók undir þetta og sagði þetta vera með einum að þeim frábærari mönnum sem hann hafði kynnst í þessum bransa.
Tæknileg aðstoð og þjónusta
Gary sagði mér að með Pete í forsvari í þjónustunni með áratuga dýrmæta reynslu sem þeir bjóða félagsmönnum aðgang að „innri“ tækniþjónustu okkar og höldum bílnum „tilbúnum í aksturinn“.
Meðal þess sem þjónustudeild CLUB 55 býður uppá er:
- Fyrirbyggjandi viðhald
- Minniháttar viðgerðir og þjónusta
- 120 punkta full bílskoðun og skýrsla sem nær yfir 360 ° innan og utan, undir ökutæki, undir vélarhlífinni og valfrjálst aksturspróf
Þar sem klassískir bílaáhugamenn koma saman ..
„Með einstaka viðveru okkar hér á Costa Blanca bjóðum við meðlimum okkar möguleika á að njóta reynslu sígildra bíla í einkaklúbbsumhverfi, þar sem við erum með vikulegar uppákomur og fundi“, segir Gary.
„Við bjóðum upp á breitt úrval þjónustu við eigendur klassískra bíla og akstursupplifun fyrir áhugamenn um klassíska bíla sem og úrval af fallegum bílum sem raunverulega er hægt að kaupa ef þeir svo vill verða! Metnaður okkar er að gera öllum kleift að njóta ástríðu síns klassíska bíls í sólríku umhverfi Costa Blanca og blanda geði við svipaða áhugamenn.
Ökuferðir
„En einn aðalþátturinn í starfsemi okkar er að bjóða upp á ökuferðir í klassískum bílum“, segir Gary.
„Komdu og vertu með okkur í hálftíma, eða heilsdagsferð og njóttu ökuferðar um tignarleg fjöllin eða meðfram fallegu strandlengjunni við Costa Blanca, veldu úr safni okkar klassískra bíla og stilltu klukkuna 50 ár aftur í tímann“.
Hálfsdagsferðir kosta frá 295 evrum, eða sem svarar um 43.000 íslenskum krónum, en heildagsferðir með máltíð kosat um 495 evrur eða um 72.300 krónum á gengi dagins
„Drivers Club 55“
„Þá geta áhugasamir komið í heimsókn í „Drivers Club 55“ einkaklúbb fyrir bílaáhugamenn og akstursíþróttamenn, þar sem gestir geta hitt og spjallað við áhugamenn með sömu áhugamál, við erum með stóran skjá fyrir mótorsportviðburði og skipulagt óformlegar ferðir og viðburði á staðnum“, sagði Gary Crates að lokum.
En þetta er nú aðeins skrifað til gamans og fróðleiks, en ef einhverir eru á leiðinni á þessar slóðir þá er hægt að leita sér nánari upplýsinga á heimasíðu þeirra: www.club55classiccars.com eða senda þeim línu á info@club55classiccars.com
Margvíslegir bílar í boði
Klúbburinn skipuleggur „hitting“ á sunnudögum frá 10-13, og þá er hægt að líta við, skoða bílana sem þeir hafa í boði og eins bíla félagsmanna í klubbnum sem koma á sínum bílum og stilla þeim upp á útisvæðinu.
Þar mátti þennan sunnudaginn sjá margvíslega og flotta bíla, sem skoða má nánar á meðfylgjandi myndum:
Myndir: Jóhannes Reykdal.
