Ford Mustang Boss 302 árgerð 1970 er ein af táknmyndum hins ameríska sportbíls, þekktur fyrir frammistöðu og áberandi útlit.
Boss 302 var kynntur sem afkastamikið afbrigði af Ford Mustang árið 1969. Billinn var hannaður til að keppa í SCCA Trans-Am kappakstursröðinni og var nefndur eftir þáverandi framkvæmdastjóra Ford, Bunkie Knudsen, sem hafði gælunafnið „The Boss“.
Ekki Hugo Boss
Hjarta Boss 302 var vélin. Hann var með 5.0 lítra V8 vél (302 rúmtommur) sem skilaði 290 hestöflum.
Þessi vél var hönnuð fyrir mikil snúningsafköst og var með sérstökum íhlutum eins og sveifarási úr stáli og sterkari undirlyftum.
Boss 302 kom með mjög öflugri fjögurra gíra beinskiptingu, sem stuðlaði að meira afli og meiri hraða enda var kraftur eðli bílsins.
Ekki var boðið upp á sjálfskiptingu í Boss 302.
Einn vinsælasti allra tíma
Boss 302 1970 var með áberandi ytri hönnun. Hann var með djarfri vindskeið að framan, vindskeið/væng að aftan og hliðarröndum, sem gáfu honum einstakt og sportlegt útlit.
Bíllinn var fáanlegur bæði í fastback og coupe útgáfum.
Boss 302 var með einfaldri og hagnýtri innréttingu með háu mælaborði og sportlegu stýri.
Bossinn hafði ekki marga lúxuseiginleika, þar sem það var fyrst og fremst hannaður sem kraftmikill sportari.
Góður á brautinni
Boss 302 var þekktur fyrir glæsilega frammistöðu bæði innan og utan brautar. Hann var með sérstillta fjöðrun með þungum íhlutum, sem gerði að verkum að hann höndlaði hornin sérlega vel.
Þetta, ásamt öflugri vél, gerði hann að mjög öflugum keppinauti í heimi bandarískra sportbíla.
Árið 1970 framleiddi Ford alls 7.013 Boss 302 Mustang. Þessi takmarkaða framleiðsla hefur stuðlað að því að bíllinn er vinsæll safngripur meðal bílaáhugamanna.
Eftirstóttur í dag
Ford Mustang Boss 302 árgerð 1970 er í miklum metum í safnaraheiminum í dag. Sambland af krafti, meðhöndlun og áberandi stíl gerir hann að eftirsóttum klassískum bíl.
Vel uppgerðir slíkri bílar sem hafa fengið gott viðhald eru að fara á dágóðar upphæðir á klassíska bílamarkaðinum.
Á heildina litið er Ford Mustang Boss 302 1970 táknmynd sportbílsins frá gullöld bandarískra frammistöðubíla. Einstök hönnun hans og öflug vélin heldur áfram að fanga athygli bílaáhugamanna og safnara um allan heim.
Bíllinn var til sýnis og sölu hjá RK Motors. Myndir eru þeirra. www.rkmotors.com
