Eftir birtingu greinar um hið umdeilda grill á Lexus LX, sem kynntur var í síðustu viku, er ekki úr vegi að skoða fleiri grill sem augun eiga eftir að venjast á bílum næsta árs.
Viðbrögð þeirra sem létu skoðun sína í ljós á grilli Lexus LX voru flest, nei ekki flest heldur öll, á þá leið að þetta væri ljótt grill og það hreint úr sagt stuðaði fólk. Vonda grillið.
Grillið er sannarlega sá hluti bílsins sem margir taka fyrst eftir. Grill rafbíla eru svo sérstakur kapítuli en um þau er til dæmis fjallað í góðri grein hér. Grillið umdeilda á Lexus LX virðist vera í takt við það sem bílaframleiðendur og hönnuðir hafa búið okkur undir: Grill verða áberandi í hönnun bíla næstu árin.
Já, árið 2022 gæti orðið grillárið mikla. Er hér loks brotið blað í grillsögunni?
Nei, það leyfir undirrituð sér að draga verulega í efa. Leyfum myndunum að gera það sem þær gera best: Segja meira en þúsund orð:
?
Nútíminn er trunta
Með tóman grautahaus.
Hjartað það er hrímað
Því heilinn gengur laus.
?
Þannig er fyrsta erindið í texta við lag Þursaflokksins, Nútíminn. Það sem við þekkjum ekki er oft óþægilegt þar til við venjumst því. En það venst þó æði oft, ekki satt?
En í dag eru hönnuðir ekki svona villtir og trylltir. Jú, það eru þeir reyndar. Skoðum tvo bíla frá Toyota:
Ekki veit ég hvort nútíminn sé „trunta“ í raun og veru en ýmsu er hægt að venjast og sýna þessar myndir af gömlum og nýjum bílum kannski að grill geta í upphafi virst alveg gapandi galin en eftir því sem árin líða verða þessi sömu grill fallegri og fallegri. Í sumum tilvikum alla vega!
Umræður um þessa grein