Galli í 817.000 Teslum lagaður með þráðlausri uppfærslu

• Tesla getur lagað galla í 817.000 bílum með þráðlausri uppfærslu

Tesla þarf að „innkalla“ 817.000 ökutæki, en sem betur fer fyrir fyrirtækið er vandamálið nokkuð sem einfaldlega er hægt að laga með þráðlausri uppfærslu í stað þess að fá bílana inn á verkstæði.

Samkvæmt vefsíðu Electrek er vandamálið fólgið í því að öryggisbeltaáminning virkjast ekki við sumar aðstæður, og það hefur einhverjum hjá Tesla létt verulega þegar það kom í ljós að þetta má að laga með „þráðlausri uppfærslu“.

NHTSA (bandaríska þjóðvegaöryggisstofnunin) gaf út opinbera öryggisinnköllun vegna málsins og það virðist hafa áhrif á „ákveðna árgerð („MY“) 2021-2022 Model S og Model X bíla, og alla Model 3 og Model Y bíla“ í Bandaríkjunum.

Vandamálið er að hljóðmerkið til að minna farþega á að spenna öryggisbeltin fer ekki í gang við mjög sérstakar aðstæður.

NHTSA útskýrir í innkölluninni:

„FMVSS 208, S7.3 (a)-(1), krefst þess að áminningarhljóð fyrir öryggisbelti virki við ræsingu ökutækisins (þ.e. þegar ökumaður ýtir á fótstig hemla eftir að hann er kominn inn í ökutækið) ef öryggisbelti ökumanns er ekki greint spennt. Á ákveðnum MY 2021-2022 Model S og Model X ökutækjum og á öllum MY Model 3 og Model Y ökutækjum, gæti hugbúnaðarvilla komið í veg fyrir að áminningarhljóðið virki við ræsingu ökutækis undir vissum kringumstæðum. Þetta skilyrði er takmarkað við aðstæður þar sem hljóðið var rofið í fyrri aksturslotu og öryggisbeltið var ekki spennt eftir þá truflun (t.d. ef ökumaður fór út úr ökutækinu í fyrri aksturslotunni á meðan áminningin var virk og fór síðar aftur í farartækið og hæfi nýja aksturslotu).“

Aðrar viðvaranir, þar á meðal sú sem verður virk á 22 km/klst. ef einhver öryggisbelti eru losuð, verða ekki fyrir áhrifum né heldur sjónræn áminning.

Þar sem NHTSA telur áminningu um óspennt öryggisbelti vera öryggisatriði, gat Tesla ekki bara flýtt hugbúnaðaruppfærslu til að laga málið og því varð að gera það með opinberri innköllun.

NHTSA útskýrir áhættuna í tilkynningunni:

„Ef áminningin virkjast ekki við upphaf nýrrar aksturslotu og ökumaður tekur ekki eftir logandi öryggisbeltaljósinu, er ekki víst að ökumaður verði minntur á að spenna öryggisbeltið og gæti hafið akstur án beltis, sem gæti aukið hættuna á meiðslum. Tesla er ekki kunnugt um nein meiðsli eða dauðsföll sem rekja megi til þessa.

Það voru starfsmenn hjá Automobile Testing & Research Institute (KATRI) í Suður-Kóreu sem fundu gallann og vöktu athygli Tesla á því í síðasta mánuði.

Tesla tók þegar í stað að vinna að hugbúnaðaruppfærslu til að laga forritið í bílaflotanum.

(Frétt á vef Electrec)