Mikilvægt að vera með réttan loftþrýsting í vetrardekkjunum!
Af hverju er það svona mikilvægt? Aðeins við ákjósanlegasta þrýstinginn sem framleiðandi tiltekins bíls tiltekur mun dekkið – vegna þyngdar bílsins – ná að snerta yfirborð vegarins með öllum slitfletinum, og í vetrarfærð er mikilvægt að nýta allt mynstrið til að ná sem bestu viðnámi.
Ef of lítið loft er í dekkinu þá eru það aðeins kantarnir á dekkinu sem eru með fulla snertingu (sjá dekkið í miðjunni á myndinni hér að neðan) – ekki miðjan á dekkinu – með snertingu við veginn.
Ef þrýstingurinn er of hár kemst dekkið heldur ekki í snertingu við veginn eins og það ætti að gera – dekkið rétt aðeins tyllir miðjunni á yfirborð vegarins, sem þýðir að aðeins mjó rönd af slitfletinum í miðju slitlagsins er með fulla snertingu.
Til að nýta alla möguleika tiltekins dekks er mikilvægt að það komist í snertingu við veginn með allri dekkjabreidd slitlagsins.
